大家好！新仔報到

春卷柯南

我係廣府話維基百科嘅春卷柯南，其實我喺年幾之前已經開戶口，
但係後嚟唔記得咗密碼，所以好耐都冇入嚟簽到。
我寫嘅粵語漢字(粵文可以係指粵語漢字或者拉丁粵語字)有啲唔標準，
而且講嗰啲嘢可能溝咗啲「國維行話」，希望喺處可以拗番正。

我係香港人，原籍順德，係個中五學生。喺小六嘅時候已經開始玩維基，
但係大部分時間都係搞中文維基，冇乜搞過廣府話維基。
嗰陣我入嚟呢度係為咗同大家傾吓廣府話嘅專有名詞點譯先好，
因為我喺維基同其他人為咗一個東南亞國家嘅譯名嗌「烚」（不懂本字）。
而家我嚟呢度，就係用粵語文寫文（可以是漢字/拉丁文），
傾吓廣東話嘅用法、專有名詞譯法，寫廣府話教科書，
同埋發表我自創嘅廣府話拼音方案（不係想Penkyamp飯碗），
識多啲人之餘，仲可以為發揚廣府話文化做到啲嘢。
希望可以喺處學番啲嘢，回饋維基，回饋廣府話社群。

小弟就寫住咁多獻醜，多謝您哋睇我喺粵語協會寫嘅第一篇文！