「著」同「着」

xxkai

有冇人可以解釋「著」同「着」嘅用法，分別匸邊？

광동왕국-08

如講述時態，兩者似乎相通！但【穿着】的動作就似乎多用"着"，
例如：着衫、着褲、着鞋、着襪 及名詞"着物"等。

xxkai

形容「啱」用邊個？例句：你.....我唔.....。
形容「被」用邊個？例句：好心.....雷劈。
形容「過電」用邊個？例句：開.....盞燈，佢哋兩個撻.....咗。
形容「好處」用邊個？例句：有.....數，聽完之後有得.....。
形容「步處」用邊個？例句：棋差一.....。
形容「吩咐」用邊個？例句：佢.....我交畀你。
形容「狀態」用邊個？例句：BB仔瞓.....咗。
形容「受」用邊個？例句：小心.....涼，好.....急，.....緊尐。
等等等等，應該重有其他嘅。

광동왕국-08

諗吓多尐，諗吓又多尐咖嚹！
"着數"、"着量"、"三十六着，走為上着"、"着着領先"。

wongkm33

「著」同「着」在大陸是有分別的：「着」讀音「嚼」，例如：穿着衣服。「著」讀「住」，如著作。在香港兩字變成一字，「着」被視為「著」的簡體字！
還有另一字「裏」，在大陸這字是繁體字，簡體是「里」。在香港好像沒這字，只有「裡」字被視為正宗繁體。

xxkai

黃兄嘅意思系咪：
1）匸香港，乜嘢都系用「著」，而唔會用「着」？
2）匸大陸，「著」只有單音「注」？

我匸香港，學校自細就教「裏」，冇教過「裡」，後來睇小說先至學捯個「裡」字。一向都以為「裏」同「裡」系通嘅，就好似「卻」通「却」一樣。

我有一個好有趣嘅恁法：大陸用「里」，香港用「裏」，台灣用「裡」。單睇爾個字就知文章系由邊堵邌嘅。唔知啱唔啱哩？