[轉貼]而家眼湿湿，好过第日头耷耷

superjill

????解释：（现在流泪好过以后痛苦）

　　如果你因为冲红灯被警察拦住，当街进行批评教育，你会有乜感受？系觉得好瘀（很丢脸），定系觉得很劳气（生气）？不过，你毕竟是成人，有咁上下（一定程度）心理承受能力，多数会笑笑口咁（微笑着）同阿SIR讲声“知错啦，下不为例”。但如果系一名不到10岁嘅学生哥呢？面对警察叔叔嘅批?
评，仲有大堆街坊围观，同埋（和）成班记者密密实实咁围住采访，我谂他都几惊青（害怕）。前日，在广州中小学生交通安全联系（简称“警纠校处”）制度实施首日，咁嘅一幕就频频上演。

　　睇到啲学生哥面对咁大阵仗（这么大场面），声都未出就全身打震（发抖），泪湿湿甚至喊（哭）出来，真系好冇阴功（很可怜），家长见到肯定好肉赤（心疼）。但明智嘅家长都应该赞成呢种做法，因为咁做都系为佢哋好。

　　好多交通事故都系行人违章造成，但好多人都冇安全意识。笔者有一个朋友，学识开车后经常话：“做佐司机先知以前乱过马路几咁牙烟（危险），等于将自己条命完全交畀人哋（交给别人），因为唔系每个司机都可以及时避开你。”

　　对违反交通规则嘅学生实行“警纠校处”，等他惊（害怕）下其实对佢系好事，而家眼湿湿，好过第日万一出佐事，唔死一身潺（不死也差不多了），后悔都来唔切（来不及），一家人都会成世头耷耷（耷拉着脑袋），无办法开心。

　　可惜好多家长都未必明白呢个道理。听讲前日在“警纠校处”现场，唔少家长带住仔女冲红灯，甚至一手推开交警急急脚走人（急步离开）。他们以为自己系帮仔女甩难（摆脱麻烦），点知其实会累（害）仔女成世。（兰叶）

???来源：广州日报

ayuki

早就應該啦。我讀中學嗰陣都有發張類似駕駛證記分牌嘅嘢，咪一樣廢嘅。而家嗰個乜鬼“警糾校處”咪其實一樣。以前我讀中學咪話畀亞SIR捉住就要交張牌去扣分，扣完又話要受學校處分。卒之咪而家先正式執行。

腐敗咗咁耐先改正，教人保護環境好過教人唔好衝紅燈啦。

dada

一九九二年開始﹐法國車牌有分數制度。每人有十二分。不過考到車牌之後﹐淨得六分﹐三年內冇違規先得到十二分。

違規看情形﹐扣一分至六分。一次犯幾種規就加埋嚟計﹐不過每次最多扣八分。

扣分之後﹕
一、三年內唔再畀扣分﹐就得返十二分﹔
二、參加教育（兩日﹐大約二千三百人民幣）﹐得到四分。每兩年准參加一次。

冇晒十二分就沒收車牌﹐六個月後先准再考。全部或部分再考﹐看情形。

不過越嚟越多人﹐冇咗車牌都一樣繼續?車。