[轉貼]《我喺长堤做登场—“劈酒部”的日子》 (10)

superjill

原著：欺霜傲雪（Tiffanyho）

PART?10?

唱完K之后,?我哋几个一齐行去附近嘅幸运楼饮茶。大口仔同佢女朋友就行喺前面，我就同ANDREW同生日嗰个男仔阿B一齐行，而阿B个女朋友阿C就同咗个样生得好似李湘嗰个女（简称阿A）一齐行。因为阿C整亲只脚，阿A就扶住佢打车去酒楼。我哋经过银行，ANDREW要去银行拎钱出嚟去饮茶。?

到咗酒楼。佢哋2个女坐咗喺度。ANDREW就坐我隔篱右手边。都搞咗好耐，佢哋决定我同ANDREW去拎嘢食。?

我：“快啲拎吖，唔系佢哋会肚饿咖!”?

ANDREW：“佢哋饿,佢哋嘅事。”?

阿A开始讲嘢：“好。我同意你讲法。”?

我即时冇声出。我谂：你系边位啊?你使唔使咁附和佢啊？我同ANDREW就一齐去拎嘢吃，我好似只可爱嘅小狗跟住喺佢后面，帮佢拎住啲嘢，而佢就去点。?

我见到周围好多公公婆婆喺度饮早茶。我谂：唔知道第日我同佢老咗之后,重会唔会有机会好似依家噉,重一齐去饮早茶呢？我知道呢个谂法我系谂得太远。?

我哋饮完早茶之后，我就同ANDREW一齐行落去。因为ANDREW之前应承过我,话会送我返屋企。ANDERW问我点样走之后,同个男喺度商量紧大家点样返屋企。阿A见到ANDREW想送我返屋，佢专登讲咗一句：“去开房啊!笨……”?

我喺度谂：开唔开房关你咩事啊？我哋系去开吖，吹咩？唔抵得啊？?

不过,我后屘叫佢唔好送我，因为佢住得离我比较远，唔想佢一嚟晒车钱，二嚟跑嚟跑去。我就同咗大口仔同佢女朋友一齐走,因为个女仔住江南西,而大口仔就系住沙园。