[轉貼]《我喺长堤做登场—“劈酒部”的日子》 (6)

superjill

原著：欺霜傲雪（Tiffanyho）

PART?6?

我成日都同ANDREW讲：“几时出嚟啊？因为我唔想嘥你电话费，有咩出嚟讲好过啦!”?
ANDREW：“或者睇下我哋有冇缘见到啦。”?
“我都唔信呢啲嘢嘅，今晚我要上班吖，你过唔过嚟吃宵夜啊？”?
“我唔知道过唔过吖，因为我要睇下有冇朋友陪我过去啰。或者我今晚畀电话你啰。”?
“咁样啊，好吖。”?

6月6号。?我都冇咩点期待佢会过嚟揾我，因为之前讲咗N次都冇结果。点知喺我准备搭车返工，徛喺度等紧部车,ANDREW来电。

我问：“点啊？”?
“我今晚过嚟吖，系咪好开心啊？”?
我真系冇咩感觉，到咗真系见嘅时候,其实就变得唔想见啦。?
“你今晚有冇着高踭鞋啊？”?
“冇吖，做咩啊？”?佢得个1米66高，而我就差唔多1米65，佢成日都担心我高过佢。?

凌晨3点。?
嘟嘟……。?
“你落班未啊？”??
“我落啦，你喺几号房啊？”??
“我喺218。”??
“你出嚟吖，我喺2楼门口等你。”??

我：“喺边度啊？”?
“门口？，点解你喺我后边嘅？”?
“冇吖，因为我想行去你后面嗰度,畀个SURPRISE你啰。”?

见到佢本人,净觉得皮肤好白，啲眼睫毛重长过我。佢笑同唔笑一样可爱。几乎重靓过我。唔制吖~~~~~~~~~~~~~?劲似女仔，我晕得一阵阵……。因为佢之前怕有时啲网友喺电话度就好倾，出到嚟就冇晒嘢讲。
?
我：“我都话我哋见到面唔会冇嘢讲嘅啦，你放心啰。”?
ANDREW：“嗯嗯。”?

入到K房，重有个男仔喺度唱紧K。
“点歌啦。”?ANDREW递咗支菊花蜜畀我，都几细心喎。
?
我哋唱到5点几就走，佢哋下午重要去踢波，佢话：“唔够瞓，唔知道今日踢波有冇精神添。”?
“我今日重要去面试吖。”?如果唔系要面试嘅话，我一定会去睇佢踢波，喺旁边支持佢。?

虽然我系做紧呢份工，但我已经唔想做啦，因为太辛苦，啲休息时间日夜颠倒。所以,一有时间我就会去其他公司面试，过返啲正常嘅生活。
?
返到屋企之后，佢都有打畀我,睇下我返咗未。重发咗条短讯:“下次我一定送你返去，记得知醒去面试吖!”?

我觉得佢真系几关心朋友嘅喎。都几好人啊。