[轉貼]《我喺长堤做登场—“劈酒部”的日子》 (5)

superjill

原著：欺霜傲雪（Tiffanyho）

PART?5?

QQ度出现咗一个陌生人。?

佢问我：“你盒VS发泥好唔好用啊？”?
我谂：呢个人肯定系睇咗我163个相册,见到我盒泥就噉样问我啰。?
“好难讲嘅，见仁见智啰，你系边个啊？”?
“你系咪喺XX公司度做啊？我重知道你系姓何嘅添。”?
“你系边个啊？你点知道嘅？”?

我开始以为佢系我以前电讯公司同事，又讲得出我姓乜嘢，想同我玩。于是,我啲态度就变得恶咗啲。跟住我就同佢倾咗一阵,都系关于以前公司啲嘢。?

“你有冇相啊？”?
“有吖，做咩？”?
“发过嚟睇吓。”?因为我想确实佢系咪真系我啲同事。?
佢发咗过嚟3张，不过都系侧面，都OK嘅。睇返真啲，佢唔系我嘅同事。
?
“你点解唔发正面相畀我嘅？”?
“我正面唔好睇，我觉得好怪嘅。”?
“我要闪了，迟啲再倾啦。”?
“咁快？但系我好闷喎，不如噉啦，我打畀你吖。”?
我谂：冇咩所谓啫，我大众卡，接电话又唔使钱。?
“好吖，我电话号码系：137XX426XXX。我接电话唔使钱嘅，你咪打啰。”?
“我都冇所谓，我屋电话系包月嘅。”?

我：“喂？”?
“喂，我系头先喺QQ度话打畀你嗰个男仔吖，我叫ANDREW。”?
“乜你把声咁成熟嘅，喎，我开始以为你系我同事,玩我添。头先唔好意思吖，态度差咗啲。”?
“唔紧要，系啰，我个朋友都话我个样似细路，把声好成熟，听落最少有28岁，哈哈...........?“

倾落，发现原来佢都系属于我哋公司。我系负责做客户服务，做接打入嚟嘅电话，而佢系负责做打出去电话。例如SALES同埋做RETENTION嗰部分。所以话呢个世界真系细。有缘分。我同佢都系射手座，佢系3号，而我就系5号。据我所知，射手座同射手座之间佮嘅程度系：70%。佢会唔会系我嘅真命天子？?

跟住落嚟几晚都倾咗好耐偈。我从未试过可以同一个陌生嘅人倾咁耐偈嘅。?佢发咗张得一只眼睛嘅相畀我。
?
我：“做咩啊？”?
ANDREW：“我只眼睛好多女仔都羡慕嘅。我啲睫毛又长又翘。”?
我：“系咩？我唔羡慕喎。”?

我已经习惯咗一落班就畀电话佢，佢CUT我线，如果喺屋嘅话就打返畀我。?即使唔喺屋，佢都会发条SMS问我几时瞓，如果我要瞓就唔畀电话我，如果我未瞓嘅话就会打畀我。?

我哋每晚都倾咗好耐偈，讲咗好多好无聊嘅嘢，可能我同佢都系做呢行，做呢行嘅人好多嘢讲嘅嘛，好喜欢同啲客人吹下水。佢讲咗好多佢以前公司、佢以前女朋友、同埋佢啲朋友嘅事畀我听，但其实我都冇认真听，甚至觉得好烦，喺度谂：你嘅事关我咩事啊？我想瞓觉啦!?不过我又唔忍心打断人哋讲嘅嘢。佢讲到佢以前印象深刻嘅2个女朋友，分别叫123同456。456就已经成家人移民咗去美国。?佢话我比较似456嘅性格，大家有女强人嘅感觉。?

“不如出嚟讲好过啦，我唔想晒你电话费啊。”?
“唔同你讲住啦，我妈妈醒咗，拜拜”?
嘟嘟。。。。。。。。。?

佢发SMS畀我：”我哋都系倾唔到啊，畀人发现咗。或者,?我听晚畀电话或短讯你啊？”
“好啦。”