|
原著：欺霜傲雪（Tiffanyho） PART?4?
第二日上班。?平时我都系搭31上班嘅，搭车嘅时候见到一个靓仔，ha~~~~?人就梗系喜欢望靓嘢嘅啦。?我喺度谂：呢个男仔呢段时间坐31，唔系去浮就肯定去返工嘅啦。唔知道返边个场呢？睇佢着得咁靓仔。唔通都系我嘅场嘅？跟住我就冇理到佢啦，自己到咗嗰个站就落咗车，点知道上去5楼打卡嘅时候就见到佢喎。发觉自己嘅推论原来冇错嘅。
次次打卡都要爬上去5楼，行都行到冇晒气，学似我同事话斋：“我哋返工冇饮醉就可以好清醒噉行上去啫，落班要打卡，我哋都唔知道点样行到上去打添喎。”?之后，我见到有啲同事都系醉下醉下噉慢慢上去打卡，我都觉得几搞笑嘅。
?
我有个女同事就叫JANNY，登场部嘅男仔CHRIS就追紧JANNY。上班后，小倩就叫我同JANNY上去唱K，CHRIS就跟埋嚟，问JANNY点样。我、小倩、同埋佢啲朋友喺里面，不过里面就好多男仔，我哋根本点唔到歌。我就帮JANNY揽住佢嘅袋，探个头出去,睇下佢哋搞成点。无意之中,?我见到今日搭车嗰个靓仔。跟住我哋开始讲嘢啦。
?
我：“你今日系咪搭31嗰个?”?跟住我都唔知道自己讲咩啦。
靓仔：“等我嚟讲啦，今日系我首先上车，跟住你喺“XX新村”嗰个站上，跟住到CHRIS喺“沙园”嘅站上。”?
我：“系啰，系啰，我就系想噉讲啰。”?
我想第日返工或落班有个伴,就问：“你住边嘅？点解搭31嘅？”?
靓仔：“我住XX厂嘅。”?
我：“原来我同你都几近。”?
靓仔：“你同CHRIS近啲。”?
既然住附近，拿个电话联络都好吖，因为我份人就比较想识多啲朋友嘅。我问CHRIS，佢居然唔理我。梗系啦，佢挂住媾JANNY，重同JANNY喺度倾紧，重边度有我存在吖，噉我就问咗靓仔拿啰。?
“你叫咩名吖？”?
“我叫阿PO。”?
“喎。”?
我唔系好识开PO部N70，佢话：“我教你吖”，跟住就好斯文噉开俾我睇，我又好认真噉睇添。重认真过读书。哈~~~~?
过咗几晚，我谂：返工有个伴都好喎。就打咗畀PO。?
PO：“边个？”?
我：“我吖，搭31嗰个。”?
PO：“哦，点啊？”?
我：“冇吖，问你今晚返唔返工啰。你系咪搭31吖？”?
PO：“系吖，点会唔系。”?
我：“我返10点嘅喎，你几点搭车啊？”?
PO：“我未知道吖，我返10点半嘅。”?
我：“噉点啊？时间约几点啊？”?
PO：“但我依家未瞓醒吖，我平时都系8点钟先醒，或者我醒之后畀电话你吖。”?
噉跟住我就等佢电话，一等再等，8点……。8点59分……。9点……。我望住嗰部电话，等紧佢响。点知,都系冇，跟住我自己一个就返公司啰。如果我9点重唔搭车嘅话，就会迟到，我哋公司比较麻烦，首先要上5楼打卡，打完卡落返1楼签到。?
返到公司。?我发咗个SMS畀佢。?
“你有冇搞错啊！”??
“咩事啊？”??
“重喺度扮唔知？”??
“咩事啊？我真系唔知道喎”??
“你之前应承话瞓醒畀电话我，又冇畀到!”??
“SORRY，真系唔记得咗!”??
“其实又唔使SORRY咁严重嘅，冇下次咋嘛。其实你唔想一齐返咪讲声啰，都唔使粒声都唔出嘅。”??
佢冇出到声，我就好嬲吖。所以,以后我都冇再揾过佢。或者佢怕佢女朋友唔中意啩。?
点知道有晚大家宵夜，大家喺度倾偈，我都唔记得大家点样倾起身。?
我问PO：“你做咩成日摸住只手踭啊？”?
PO：“头先整亲啰。”?
我：“抵。”?
CHRIS：”阿PO头先借咗五文畀个同事打的上班，依家搞到冇钱打摩托返屋企，你哋有冇人借畀佢啊?”?
“瞓街啦。”我讲笑噉讲。
?
CHRIS居然话我喜欢PO，其实PO都唔骚我。所以我先噉对PO。我始终都冇出到声话借钱，因为我觉得,呢啲嘢始终会越描越黑，如果你应佢嘅话，佢就会越多嘢讲，所以我选择咗诈听唔到。?
我又问CHRIS：“做咩你个面伤晒嘅？”?
CHRIS：“冇，因为揸车。”?
我：“系？买咗部咩车？”?
CHRIS：“豪迈。”?
我：“07年唔畀开嘅。重买嘅？”?
CHRIS：“冇所谓啦，依家晚晚打摩都差唔多呢个价啦。”?
我：“噉咪几好，可以搭JANNY返工。”?
CHRIS：“我哋散咗啦，你唔系唔知道吖嘛。”?
我：“我真系唔知道，因为我系兼职，唔系经常返。”
我重记得之前佢哋重一齐搭车返工,?依家先知道佢哋都系散咗。可能浮场真系冇真爱，话散就散。特别喺呢啲场，靓妹靓仔好多，呢个同嗰个，嗰个同呢个，已经变咗系一件成日都会出现喺身边嘅事，可能大家一开始就抱有玩嘅心态。婚外情,一夜情,玩弄感情,啲人系三分钟热度之后，会忘记晒所有事情。 | 
發表於 2006-10-26 07:07:39