[轉貼]《我喺长堤做登场—“劈酒部”的日子》 (3)

superjill

原著：欺霜傲雪（Tiffanyho）

PART?3?

电话响,?KIKO？?
我问：“KIKO？咩事啊？系吖，你重有冇喺嗰度做啊？”?
KIKO：“冇吖，你呢？”?
“我都冇吖，我去完香港返嚟，我咩都唔知道吖。”?
“噉你依家有冇做嘢啊？”?
“冇吖。”?
“依家我男朋友COEY嗰度有4个场畀你拣，分别系BC，CATWALK，CHINAFELL，4XX。你想做边间啊？我哋同你去面试啦。”?
“4XX啰。”?我之前已经想做呢间嘅啦，点知道始终都系做返呢间。?
“OK，我听日帮你约佢哋。”?
“好啊，唔该你吖，不过我都唔知道得唔得。”?
”我觉得你一定得嘅，信我啦。”?
“OK啦，噉到时候电联啦。”
?
过咗一阵。?
KIKO：“约咗啦!?听日下午4点，4XX门口等。”?

到咗听日。我同KIKO入到去，最大嗰个叫阿正，一个好钟意戴帽嘅一个男人，个样睇落都几后生。跟住就畀咗入职表我哋填。?

到咗正式上班第一日，佢哋啲人教我哋点打卡，点签到。?原来我系畀人派咗去做劈酒部，并唔系登场部，我唔饮得嘅，点算？?

COEY就系呢间公司同我哋之间嘅中介人,?COEY都好照顾我哋。我哋出嗰份粮就系从COEY手里面拎。据我所知，中介人就一定会系中间“吃水”嘅啦。期期出粮,我都发现唔见咗几十蚊到几嚿水不等。不过,我都相信COEY，话晒我同KIKO都系好朋友。如果佢哋真系要吃嘅话，钱少咗咪算啰，大家保持到朋友关系就算啰。?

COEY喺嗰度同啲朋友包咗一张卡，话想我哋熟悉下啲环境，跟住重介绍埋我哋嘅主管ANDY畀我哋识。
?
COEY：“今晚你哋就系呢张卡度玩啦，听晚我要上班就照顾唔到你哋嘅啦，自己要小心同执生。”?
啲朋友之中我都见到EDSION。?
我问：“做咩叫埋EDSION嚟嘅？？”?
KIKO：“冇吖，COEY叫嘅，其实EDSION份人冇咩嘅咋。”?
我应：“系咩？”