粵語裡的體貌詞 －「咗」和「過」

TseKK

「咗」和「過」都用來表示動作在時間層面上出現：在時間層面最少有一個時點（Ti）上有動作「P」。
「咗」和「過」的分別在于：「咗」表示在時間點Ti上的P在概念層面上也有一個值；而「過」則表示在時間點Ti上的P不能在概念層面上定值。

因此，「過」純粹表達動作在時間上的「經歷」，所謂「做過就算」；而「咗」則通常讓人想到動作的結果：
1.   佢結過婚。
1a. 佢結咗婚。
2.   佢地去過法國。
2a. 佢地去咗法國。

有些動詞，如結婚、來、去、開門、訓覺...等，本身就指向一個概念上的結果，當這些動詞和「咗」一起用的時候，這個概念上的結果很自然就和「咗」所指的概念值一拍即合。其實，如果說話里另有說明，概念值不一定就是動作的結果：
3.  我今日去過三次街市。
3a. 我今日去咗三次街市。

在（3a），概念值藉着「三次」這個數量來界定，所以這裡沒有「人在街市」這個結果。

而在（3），由於「過」的關係，「三次」只純粹作為時間的次數來理解，不能上升作為概念上的量（即沒有廣延性extensity）。

henrywho

佢結過婚。  <= 曾經某時候結過婚, 現時唔知有冇離婚
佢結咗婚。  <= 曾經某時候結過婚, 現時重未離婚

佢地去過法國。  <= 曾經某時候去過法國, 現時喺邊唔重要
佢地去咗法國。  <= 去咗法國, 現時未番.

我今日去過三次街市。
我今日去咗三次街市。  <= 冇乜分別

HKCantonese

粵語文法一樣可以玩死老外。。。

TseKK

回覆 2# henrywho

「過」祇有時間上的痕跡（經歷），在概念層上沒有意義份量，而「咗」則在概念層上有意義份量（英文叫significant）。
所以，「佢結過兩次婚」，不犯法，因為是無效的：或由於離婚、或由於喪偶、或由於失散多年...

但我們所在的社會不容許「佢結咗兩次婚」，因為每次都有意義份量，加起來就更有份量，叫「重婚」。

帶「咗」的動作在概念層上有意義份量，因此可以成就因果關係：

1.      我今日去咗三次街市先至買到魭魚。（要三次的份量才足以達到目的）
1a.＊我今日去過三次街市先至買到魭魚。（好像沒有人會這樣說的）

henrywho

「佢結咗兩次婚」 <= 完全睇唔到有「重婚」嘅意思 ....

我今日去咗三次街市先至買到魭魚 <= 頭兩次買唔到, 所以要去第三次.
=> 我今日去過三次街市，第三次先至買到魭魚