廣州話，廣東話，或粵語

KinNg

記得出廣州讀書前，鄉下人稱呼廣州人嘅話為白話，後來到廣州，就叫其粵語，廣州話。
可能之後受到香港影響，又稱其為廣東話。
到最後，又知廣州話有另外一個名-廣府話。
至於廣府話呢個名稱，本人認為已很少人用。
當然知道有好多人反對廣東話呢個名，直覺上強烈反對的可能係來自廣州市地區嘅人，不知係咪正確。
對於我哋唔係來自廣州嘅人，稱其為廣州話，廣東話，或粵語其實都無所謂。
以上只係個人意見！

promethusewei

反對「廣東話」稱呼嘅人，唔祇廣州人，重有潮汕人，客家人，佢哋都係廣東人，但係唔係廣府人，而佢哋講潮州話，客家話，爾兩種語言同所謂「廣東話」有好大差別。

KinNg

平時我哋講廣東菜，亦都唔包括客家菜與潮州菜！

xxkai

爾家講粵語嘅地方，只系剩返三墶，就系「廣州」、「香港」同「澳門」。所以：
「廣東話」一定唔啱。
「廣州話」可以表達本源，但又意會唔到包括香港同澳門。
「白話」只適合非用「廣州話」嘅人講。
「香港話」系指變咗質嘅「廣州話」，一定唔啱。

最適合都系用「粵語」或者「廣府話」嘞。

KinNg

廣府話呢個名i雖好，但已少人用；
粵即是廣東，粵語唔係廣東話？
有傳話廣東話呢個名係居住香港嘅廣州人提出，六十年代時，香港嘅語言五花八門，
但因為當時有好多廣州人偷渡來港，渠哋就試圖說服港英政府以廣州話作為香港官方語言，
因為當時四邑人喺香港好有勢力，於是，為咗拉攏四邑人支持，就將廣州話叫做廣東話！

xxkai

噉樣睇，「廣東話」同「粵語」都有詞不達意嘅問題。
發揚「廣府話」又如何？我知道王亭之教授仍然好堅持用「廣府話」嘅。

kenbondwong

廣義叫粵話做廣州話梗係唔啱,北京話都未必得一種喇!
不過粵語族群好強大,應該超過一億。
因為除咗廣港澳,世界上所有華埠幾乎係粵語天下!