[推薦]呢個網頁好正

Kathy

呢個網頁雖然唔係為粵語而設... 但有一part叫--不道德廣東話講座 都幾正嫁!!! 個網主係廣告界人士...所以佢寫d野幾正嫁... http://www.hkwalker.net/chinese/cantonese/index.htm 以下節錄左少少俾大家睇下先... 不道德廣東話講座 > 收皮 (2004.07.30) 攻擊指數：1-10/10 俗氣指數：8/10 被打指數：3-6/10 流行指數：10/10 hkwalker解文： 1. 表示不同意或懷疑某人的做法或觀點（攻擊指數：1-7/10） 2. 向在一起的人說再見（攻擊指數：0-2/10） 3. 要對方滾蛋（攻擊指數：5-8/10） 4. 幹掉某人：收佢皮（攻擊指數：10/10） 皮是甚麼實在令人費解（就如各位同學學習講座一的粉皮時，對粉和皮為甚麼加起來會變成一個人一樣一頭霧水），但加上了收這個點睛的字，就有一種很實在、要結束某某情況的意境。 如果你認識香港朋友，懂得運用收皮，對方定會覺得你相當有料到（有實力有斤兩），最少不敢再在你面前用你聽不懂的廣東話說你。 不過用收皮時要肯定對方的關係，否則導致有人要收你皮的話，本站概不負責，最多幫你唸幾下阿彌陀佛超渡幾句。看例： 例： 1. a. 「條友話佢識林志玲喎！台灣好索個model呢？」「收皮啦！我夠識林嘉欣咯，佢唔識我之嘛。」 「那傢伙說他認識林志玲喔！不就是台灣那個很惹火性感的模特兒嘛？」「相信他才怪！我也認識林嘉欣呀，只是她不認識我嘛。」 b. 「頭先老細同個客講，話畀半日就班到貨上去喎。」「收皮啦，我call個司機o黎上貨都去o左半日啦下話？個腦係咪生o係屎忽到o架？」 「剛才老闆對客戶說，說給半日的時間就可以把貨送到上去。」「胡說八道，我聯絡司機過來載貨已經要用半日了對不對？腦袋是不是長在屁股上的呀？」 2. 「喂今日做到好飄，都係早o的收皮o勒。」同事：「返到去早o的抖o勒，病就唔好啦。」 「哎今天的工作讓我頭腦都飄飄忽忽的，還是早點回家了。」同事：「回到家裡就早點休息啦，病倒就不好了。」 3. a. 賊：「打劫。」受害人：「收皮啦。」賊：「兄弟，除佢條褲。」 賊：「打劫。」受害人：「滾蛋吧。」賊：「兄弟，脫掉他的褲子。」 b. 男：「如果妳唔原諒我，我就跪o係度等妳一世。」女：「你仲唔同我收皮，我即刻放我隻狼狗出o黎。」 男：「如果妳不原諒我，我就跪在這裡等妳一生。」女：「你還不給我滾蛋，我立刻放我的狼狗出來。」 4. 黑社會：「人人凍飲加兩蚊，呢條友就加我二百蚊，擺明當我水魚，你o地同我去收佢皮。」 黑社會：「一般喝冷飲只要多付兩塊，這傢伙就多加我二百塊，明明白白把我當作是羊牯，你們和我去幹掉他。」

Kathy

最搞笑有將粵語譯埋書面語

highyun

呢个网页大陆去唔到。 不过本网嘅宗旨系收集一齐同粤语有关嘅嘢，特别系有趣嘅嘢，所以我一定要谂办法copy低晒佢

webmaster

又真系几正喔！

夜行舞者

开吾到。