係「獳」唔係「嬲」

promethusewei

時常睇都粵語影視作品嘅字幕中，表示「生氣、惱怒」之「Nau1」字會標「嬲」。

查實「嬲」係咪真係「生氣」嘅意思呢？其實唔係。

「嬲」：《廣韻》奴鳥切，音嬈。擾也。《嵆康·與山濤書》足下若嬲之不置。《王安石詩》嬲汝以一句，西歸瘦如腊。《又》細浪嬲雪于娉婷。即「嬲」有「纠缠，搅扰」嘅意思，如：《丁玲短篇小说选》她又来嬲着亚洛夫,讨了一根香烟。另外，「嬲」又有「戲弄」之意，如：茅盾《蚀》他不爱胡闹,…又不喜嬲着女同学讲恋爱。所以，呢個嬲應該係粵語中講嘅「你睇下隻蜜蜂嬲住朵花喎」，「佢暈咗你哋就唔好嬲埋嚟啦，散開尐畀新鮮空氣入嚟」嘅「嬲」先啱。


咁，表示「生氣、惱怒」嘅「Nau1」又係邊個「Nau1」字呢？答案係「獳」。
「獳」：《唐韻》奴豆切《集韻》乃豆切，從音耨。《說文》怒犬貌。讀若耨。《玉篇》犬怒也。
犬怒引申以形容人怒。所以，我哋要寫「佢好獳啊，你咪惹佢啦」，而唔係「佢好嬲啊，你咪惹佢啦」。

唔知大家覺得點？

香江白丁

言之有理．不才記住了．多謝．

lotus7174

《每日一字》林佐翰就講過。

pani

我查粵語審音配詞字庫,"嬲"可解作怒同恨,未知邊個先係正確呢?

promethusewei

回覆 4# pani

關於粵語審音配字字庫嘅準確性，我不清楚。但就字典上面的意思來說，很明白「嬲」就係冇動怒生氣之意。