|
【原创】飮茶吹水纪要（粤语版）
人物：茶客甲 ＋? 茶客乙
地点：广州某茶楼茶皇厅
时间：本月某日
甲：稳我出嚟飮茶，有乜好带絜先？
乙：呢排水紧，想稳你睇下有乜带絜就真。呢排搞乜嘢多呀？
甲：冇啊，呢排都係玩下波同六仔咁啰。
乙；我都有玩播，今晚有乜心水先？
甲；今晚我睇红双同埋马骝。
乙：唔係播，白小姐话挂起红波播。
甲：信我啦，坚料嚟嘎。
乙：咁就瞓身喇。
甲：咁买几多呀？
乙：红，双，马骝 50蚊过关啦。
甲：又话冇钱？
乙：笃住手指先咋，开咗出嚟，天日咪有啰。
甲：实开嘎？如果开唔出呢？
乙：开唔出先算啦。或者有运行呢。
甲：咁又係。有时行起运嚟，钱都有得你执。今日报纸买：沉日中午响河南朗X居，有个人飮大咗，响16楼洒咗两千几蚊一百蚊纸落嚟，冇人敢执添。
乙：嗱，嗱，嗱，你话我几黑仔啊，我就响个头住之嘛，咁都撞唔倒。係味冇运行啊？呢排净係波同埋六仔，就搞到我身光物净、
甲：咁你点呀？
乙：有乜点呀，值啲钱嘅嘢都卖晒啦。就嚟卖埋个肾嘎啦。
甲：你估个肾咁易卖呀？我听朋友讲，卖个灵魂容易啲。
乙：灵魂？乜嘢嚟嘎？我有冇嘎？
甲：人人都有嘎啦。横掂你都冇乜用嘅。
乙：卖得几钱嘎？
甲：唔同嘅，听讲美国佬嘅灵魂卖过八嚿水美金。中国人平啲，四嚿几人仔啦。
乙：不过，卖咗会唔会伤身嘎？
甲：唔会啩。最多係失魂啲啫。
乙：都好播。咁点卖呀？
甲：听讲要响网上卖嘎。都几抢手嘎。我个朋友有做网上生意嘅。等我问下先啦。
乙：嗱临啦，我赶住落注嘎。
甲：咁埋单啦。
乙：你埋住先啦。
甲：你冇钱又叫我出嚟飮茶？
乙：最多听日我埋啦。
甲：听日？
乙：你又话啲料咁坚，今晚开咗咪有啰。
甲：... ...唔该，埋单。
?
（注：以上对话，纯属虚构，如有雷同，实属不幸。）
| 
發表於 2006-10-2 03:52:36
發表於 2006-10-2 04:11:55
發表於 2006-10-3 09:48:22