一Duk1尿，點寫？

promethusewei

如題，粵語中加喺尿、糞前之量詞為Duk1。大家知唔知到呢個Duk1之點寫呢？
嗱，唔好話畀我字係「篤」字啊，呢個字咩到唔係，祇係坊間用嘅錯字。
順便講埋，作動詞，表示搓、捅之意嘅Duk1亦到唔係「篤」，本字係「剢」或「豕殳」（注意，該處「豕」應同「剢」之左半部分）。
所以，大家討論下「一Duk1尿」嘅「Duk1」字點寫啦。

광동왕국-08

以前本論壇已討論過：
【一涿尿】

promethusewei

回覆 2# 광동왕국-08

涿，【唐韻】【集韻】【韻會】【正韻】從竹角切，音斲。【說文】流下滴也。普語Zhuo1，粵語Doek3，客家話Duk7。從意思上講相近，但係從發音上講就差得遠咗尐。
譬如話，「豕殳」，普語Du2，【唐韻】冬毒切【集韻】都毒切，從音篤。【說文】椎毄物也。剢，普語Du1，【唐韻】丁木切【集韻】都木切，從音啄。刀鉏也。就無論從發音抑或係意思上都吻合啦。

광동왕국-08

但你忘記了【打爛沙盤壆到月豖】個"月豖"字也讀"篤(Duk)"？月(肉)字邊加個豖，而氵十 豖讀"篤(Duk)"也是合理。

況且粵字未必個個字都符合康熙字典的發音，有尐字，甚至連康熙字典裏頭都夐唔到！

康熙字典只係花八年去篇篡，唔可能所有粤字全部不漏篇入字典裏頭。

promethusewei

回覆 4# 광동왕국-08

作為變音亦係有呢種可能性嘅。皆因確實搵唔都其他字比「涿」更合適啦。含「豕」部嘅字發音多變，客家話裡面又讀Duk7音，粵語借用咗客家語入邊嘅發音都話唔埋。

不過，「打爛砂盆璺到Duk1」嘅「Duk1」，作「䐁」（Doek3/Duk1）或「㞘」（Duk1），呢兩個字古又同「尸口」。
「䐁」：《廣韻》《集韻》從竹角切，又從丁木切。《博雅》臀也。一曰肥也。
「㞘」：《集韻》都木切。引博雅，臀也。《字彙》同「尸口」。
「尸口」：《玉篇》都谷切，音篤。俗豚字。尾下竅也。
呢三個字，典籍裏都有表Duk1音。
   

誒，其實康熙字典都係收集《廣韻》《集韻》等書嘅發音，雖然佢修訂時間唔算長，但畢竟唔單單係佢自己定音。

twlai

书寫通俗粤语很多时要借字音或借字意来表达, , 借得字音来意思不同, 借得字意来讀音又不同, 怎办?
如果要我寫, 我会勉强寫作 "一篤尿", 较为大众化, 个个识讀。
其他的字, 可作参考, 充實自已。

promethusewei

回覆 6# twlai

問題係，又好多時候都唔係借用字，而係有本字，音亦相同，只係因為坊間好多人唔識得寫或者係懶得寫而搵其他讀音相似但意思牛頭唔搭馬嘴嘅字嚟代替。
其中一個原因，可能係因為以前大多數人文化程度唔高，教育未普及所致。

對語粵語用字，我都係覺得用本字最妥當，唔好亂造字或者亂用其他字代替。實在係有音而冇對應字，遇到呢種情況先去造字，而且造字都要講究意思上嘅吻合。當然呢啲應該留畀學者去做。否則，粵語字彙混亂不堪，就真係成日畀某啲人話粵語「唔規範」啦。

twlai

回覆 7# promethusewei
又
很認同楼主的見解, 問题是有很多古字現今已棄用, 大多筆劃又繁多, 很少人識讀, 在电腦上又打唔到要打個字, 加上簡化字抬頭 , 要如何推廣?  真係要大家在網上多討論。

lebuzishu

回覆 2# 광동왕국-08


    这是什么意思

promethusewei

回覆 9# lebuzishu


    一涿尿，即一泡尿之意。

광동왕국-08

回覆  광동왕국-08


    这是什么意思
lebuzishu 發表於 2011-8-26 22:27

一灘容量很少的便溺
   

promethusewei

回覆 11# 광동왕국-08

我搵都有記載支持你之前講嘅說法啦，段玉裁注：「今俗謂一滴為一涿，音如篤，即此字也。」。