"核"字正確讀音

lhk

關於"核"字,曾聽過兩种讀音： hat6和wat6 在未翻查資料之前的主觀感覺, hat6多用於書面固定詞語,如核子,核心 而wat6則用於特指植物的果實部分 但是最近看到的新舊兩則新聞報道讓我感到疑惑 (1)在一個資料網站看到網友保存的80年代末某一天的tvb新聞報道,蘇聯在當天進行核彈試爆. 新聞報道員當時的發音為"wat6 daan2". 而現今關於核彈新聞的報道, 全部發音為"hat6" (2)tvb在報道昨天淩晨(9月18日)淩晨在香港西環堅尼地城海旁的一宗交通致命事故時,報道員描述當時車輛從"爹核士街"駛向海濱方向. 而他對核字的發音用了"hat6"音. 然而,爹核士街(davids street),是根據davids音譯過來粵語的. 很明顯,其正確的發音應為"wat6",而"hat6"的新聞報道發音則與其英文原名相差很遠. 上述兩個報道產生了疑問,"核"字是否在新聞報道中被統一了發音為"hat6",而其兩個讀音的正確用法應為如何呢? 請賜教.

lucciora

個人認爲,兩個音應該都係正確嘅

殺人王

康熙字典都話佢本身有兩個音

highyun

核字係有wat6 hat6兩個音，通常wat6係用於口語，主要表示植物果實嘅種子，而hat6用於書面讀法或者固定詞語，多表示物體中心嘅部分。 1、80年代嘅新聞報道中嗰個香港播音員係讀錯字，“核彈”呢個固定詞語應該讀hat6。 2、爹核士街(davids street)根據英文，“核”應該讀wat6，不過新聞報道員以爲新聞報道一律要讀書面語，所以反而讀錯呢個音。其實呢個davids點解唔根據人名譯法讀返“戴維斯”？

殺人王

我地講嘅"核桃"又讀...hat6

jumpsey

我哋一般唔係講「核桃」，而係講「合桃」。

醉拳金乃迪

成日听人讲合桃

殺人王

講起"合桃"

我哋有D人用呢兩個字來表 "7頭" 嘅諧音

superjill

爹核士(davids)，中文音調好符合英文重讀原則

印象中當時嘅中文音譯名都係噉，好似：

insure（燕梳），spanner（士巴拿）

Anl

3樓殺人王，《康熙字典》確實有兩個音。但意思一樣。都係指“果核也”。
但似乎喺口語上專用於菓實嘅“核”，先讀作“wat9”。呢樣就靠習慣讀法嘞。