列舉一啲「詞不達意」嘅中文詞語

余OK

　　如題，有時發現一啲中文詞語都幾搞笑，按字面理解對應唔返成個詞嘅意思。試舉幾例：

　　酒店——同「酒」關聯好大咩？！古代有客棧，現代有旅店，高級一啲嘅旅店＋餐廳點解就要叫做「酒店」呢？
　　自行車——部車自己識喐咩？！點解起個噉嘅名？同樣粵語嘅「單車」都唔好得去邊，唔理咩類型嘅車，一部車始終都唔會「成雙成對」出現啦。
　　出租車——唔通taxi一詞係都要譯成噉咩？！搭taxi者都唔係租成架車自己揸埋，何來「出租」呢？好在有臺灣嘅「計程車」搭救一下，再加上港澳粤音譯嘅「的士」嚟為中文助吓興，先使得「出租車」冇咁瘀。
　　歇斯底里——呢個詞要重點講一講。曾幾何時，飽讀聖賢書嘅祖父問小學生嘅我呢個出現喺新聞紙嘅生詞係咩意思。我當時答唔出。貌似中國嘅四字成語，但按字面如何解釋都唔通，因當時其尚為updated之word，故遍尋各種中文典籍辭書均未覓其「芳蹤」。後嚟大個咗讀過啲番書，方知呢個係英文hysteric嘅音譯詞，果眞考起國學根基深厚嘅祖父也。點解唔可以意譯？係都要譯到不文不類，可能搞到將來嘅中國詞典平添多一個成語。而且落得個厚此薄彼嘅罪名，多數外來單詞（除一啲專有名詞外）都係意譯，音譯嘅好多都淘汰晒，留低嘅都係通俗如「馬達」之類嘅詞。唔通「歇斯底里」係作為緬懷「德先生、賽先生」年代嘅痕跡？但點解諸如「梵婀玲」（violin）咁詩意嘅音譯名就冇保留呢？
　　派出所——點睇都唔睇唔出呢個詞同維護治安嘅機構有乜關係，大纜都扯唔埋。估計係由日語引進過嚟嘅產物。

　　生活中呢啲例子重有好多，尤其係一啲從日語翻譯照搬過嚟嘅外來語。當然外文音譯詞唔喺呢個討論範疇啦（不過音譯仍不乏如「的確良」等音義俱佳嘅上上之品）。有時體會一下不覺會心一笑。大家有碰到呢啲詞不妨攞出嚟分享吓。。。

[此帖子已經被作者於2006-10-13 17:45:31編輯過]

殺人王

單車確實另人費解,因為英文都為"bicycle",英文中有by嘅通常都指"雙" 不過點解要譯做"單"呢?而"自行車"呢一個譯法又另人諗起"autocar"囧 em2:

夢星羽

“自行車”一詞出自《航海述奇》，张德彝先生當時雖然不過19歲，但把“bicycle（雙循環）”繙譯這個“自行車”一詞倒是很貼切，這個“自行”指的是驅動“bicycle”的動力是騎車的人自己，而不是馬或發動機之類。 因爲在中文“自行”一詞的意思就是自己行動之意。如：自行了斷、自行處理。 所以，“自行車”一詞是根據車輛的動力起名的，如同“馬車”、“火車”一般。 早期的單車的樣式是一個大輪子，一個小輪子，遠遠看去，倒象是一個人騎著一個輪子，故稱之爲“單車”。

夢星羽

“派出所”源自日語， 日本的“派出所”的確是“派出”的“所”， 是由警察分局的警員輪流派往“派出所”值勤， 這是其與警員常駐的“駐在所”的基本區別。 中國早期的派出所估計也和日本的派出所一樣，是採用輪班制的，但日後漸漸變成駐在制，但名字卻沒有隨著更改， 所以中國現在的“派出所”倒更象日本的“駐在所”了。 “派出所”之所以看不出其與治安有關， 是因爲你沒看清楚它的全稱， 你到中國任何一個派出所，看看它門口的招牌，絕對會寫著“××公安局××派出所”， 如果這樣你還看不出它與治安有關的話，那我就無話可說了。

余OK

經夢兄以上解釋，茅塞頓開。另外補充除咗「派出所」，中國重有好多「派出機關」。。。

highyun

余ok所舉嘅翻譯例子，好多都係音譯，冇確切嘅意思架啦。我記得中學有篇課文將“水泥”寫作“水門汀”。

余OK

音譯都有分佳作同劣作，我舉嗰啲例子感覺就係劣作。。。

Wai

『公交車』呢個詞最?核突。

 

重有好多帶有老毛色彩嘅詞條。

zplus

公交車——以爲係肛交車。

在中山，無人講“坐公交車”，只講“坐公共汽車”或者“搭巴士”，反而電臺電視臺的人有時講“公交車”。

其實臺灣講法“公車”就簡單貼切得多。

翻譯得差的有好多，基本上電腦相關的内地譯法都比臺灣低劣。如

鼠標——滑鼠。明明是硬件，鼠標容易誤解為光標。

xx協議——xx協定。協議是動詞，明顯不符。而協定是名詞。

 

還有一點更重要，文句表達上，大陸的也比港臺哆嗦。不信，大家可以找本有中港臺説明文字的説明書看看。

紫凤凰

 我常把“公交”意會成“公共交際”。

bajatvj

‘公车’在大陆会变成‘公司用车’或‘政府官员专车’

smallcat2006

是的     原来如此

dada

原帖由 Wai 於 2007-9-12 20:59 發表 『公交車』呢個詞最?核突。

我唔識「?」呢個用法。不過﹐《正字通》話「同魊」﹐又「魊﹐同蜮」。《異體字字典》認為係「魊」嘅異體字。