喺日常生活中,你是否出現如下發音?

蟲子

喺日常生活中，你是否出現如下發音： “廣州”讀成：“港/講州” “光線”讀成：“江線” “國家”讀成：“各家” “過來”讀成：“個來” “內部”讀成：“來部” “公乸”讀成：“公攋” “紀念”讀成：“紀廉”等等

蟲子

重有“一年”讀成“一連”……諸如此類

highyun

內部 絕對冇會讀成 來部 根本個調都唔同嘅。

蟲子

highyun在2006-9-1 23:50:41說道：[br]內部 絕對冇會讀成 來部 根本個調都唔同嘅。

據我所知，“來”有三個讀音，分別係：“loi6”、“loi4”、“lai4”，而喺呢度我所引用嘅讀音係“loi6 ”。

superjill

其他兩個發音分別用喺咩地方，同埋有咩意思？ 念同廉聲調都唔同……

highyun

蟲子在2006-9-2 10:23:44說道：[br] 據我所知，“來”有三個讀音，分別係：“loi6”、“loi4”、“lai4”，而喺呢度我所引用嘅讀音係“loi6 ”。

查過字典，“來”的確有loi6呢個音，我之前唔應該講到咁絕對。之不過—— 99.99%嘅人唔知道來字有loi6音，如果你問人“來部”點讀，我可以絕對噉講，100%嘅人會讀loi4部。所以，如果要搵個同音字，係咪搵個冇咁易誤會嘅“睞”字更好呢？

细路

“國家”讀成：“各家” “過來”讀成：“個來” 呢两个唔该解释下，我就系甘读 em3:

rugal

前幾個係懶音問題，我而家努力改正緊。

羊城惜花人

全部都係懒音~ 呢度講咗咁多個~其實都係得兩個 一個係“gw”“g”不分 一個係“n”“l”不分

hanx

羊城惜花人在2006-9-5 22:37:00說道：[br]全部都係懒音~ 呢度講咗咁多個~其實都係得兩個 一個係“gw”“g”不分 一個係“n”“l”不分

系啊，系啊,系日常的拖懒音习惯,注意下就会改到的哦!

诗诗

“過來”讀成：“個來” 囖~ 講得快就會~嘿嘿!

Anl

懶音唔單止“gw/g”“n/l”，重有“ng/零聲母”。
例如：牛ngau4，偶ngau5，吽ngau6，牙ngaa4，雅ngaa5，掗ngaa6，銀ngan4，韌ngan6，研ngaan4，眼ngaan5，雁ngaan6，吟/扲ngam4，捱ngaai4，鵝ngo4，我ngo5，餓ngo6，呆ngoi4，外ngoi6，等等。
好多人都唔將呢啲字讀做有鼻音，直接開口就au4肉, au5然, aa4齒……?

huang

哈哈 普通話我都係一樣分唔清 "n" "l"

粵語究竟點分？？

最好有個人錄低個音 放 上嚟論壇！！

我建議版主將粵拼入邊嘅音標都錄上嚟（包括聲母、韻母、九個調）

噉樣嘅可以方便初學者入門 又可以畀有啲地方口音嘅廣東同胞改正發音

唔知呢個建議點？？？

[此帖子已經被作者於2006-10-8 20:30:43編輯過]

余OK

　　樓上，我經已喺呢個版嘅置頂帖呼籲多啲人錄音上嚟啦，希望好快就有語音版嘅粵語教程上傳畀大家分享。。。

dengjun

　　九楼说的对,就是gw-g,n-l 不分的问题。对于平时说广州话的人来说，很难分开。就是对于广州话播音员来说都是如此。我认为，外地人（包括广东各地人） 学广州话还是分开为好，但是对于广州人来说，在说广州话的时候就不必要求他们一定要分开了。在说普通话和外语的时候，n-l一定要分。

[此帖子已經被作者於2006-10-15 3:00:46編輯過]

dengjun

Anl版主说的更全面，还有ng/零声母的问题。

我认为，外地人（包括广东各地人） 学广州话还是分开为好，但是对于广州人来说，在说广州话的时候就不必要求他们一定要分开了。

Anl

QUOTE:

以下是引用dengjun在2006-10-15 3:06:58的發言：

我认为，外地人（包括广东各地人） 学广州话还是分开为好，但是对于广州人来说，在说广州话的时候就不必要求他们一定要分开了。

呢個觀點大錯特錯。說話時就係要識得分清邊啲係懶音，邊啲係正音。我哋提出有人分唔清n-l, gw-g, ng-零聲母 等等嘅問題，就係要人哋喺平時講話嘅時候注意區分。講話咬音正規一啲。亦係我哋粵語協會嘅目標。