喺《建黨偉業》呢部戲入面發現咗個有關拼音嘅BUG

xiss

CCP建黨90周年嘅獻禮片《建黨偉業》入面有一個鏡頭，講從蘇聯過嚟中國協助成立CCP嘅兩位蘇聯人入住上海嘅「東方飯店」（下圖），鏡頭映出咗「東方飯店」嘅英文名「Dong Fang Hotel」，好明顯將「東方」譯成「Dong Fang」係內地漢語拼音嘅做法，但係呢套拼音係喺1949年後先頒佈嘅，影片中設定嘅時空中根本未頒佈呢套拼音，當時最有可能係依據威妥瑪拼音將「東方」譯成「Tung Fang」，但肯定冇人會譯成「Dong Fang」

作為一部向CCP獻禮嘅當有極大象徵意義嘅「歷史片」，《建黨偉業》嘅導演居然連當時文化背景都未搞清楚，犯下如此低級錯誤，實在令人失望。全片其實所謂嘅「歷史」根本就毫無深度可言，簡直就係內地官方口徑歷史嘅一次複述而已，該片導演喺呢部事關重大嘅「歷史片」上，竟以如此態度草率對待真正歷史，導演嘅歷史素養文藝素養可想而知。

一部毫無深度照本宣科官文歷史嘅「獻禮片」+眾巨星走過場式嘅無血無肉之刻板表演，如此包裝之下，整部片本就成為一部獻媚味濃厚到反胃嘅爛片典型，但導演竟仍敢大言不慚地用「歷史大片」稱呼之宣傳之，此片導演嘅個人素養亦令人可疑。

jestyleung

明知如此又何必認真呢   
我都好後悔嘥咗我幾十蚊去睇出咁嘅嘢

jestyleung

明知如此又何必認真呢   
我都好後悔嘥咗我幾十蚊去睇出咁嘅嘢

蟲子

當時應該用郵政拼音至啱。

影片中嘅「正陽門東站」應該譯成「cheng yang men/mun east」，「東方飯店」應該為「tungfang hotel」先啱，我估。