膝頭哥﹖膝頭髁﹖

dada

膝頭﹐廣州話叫膝頭哥﹐我哋叫膝頭bo1。我初時唔在意﹐因為鄉音唔同廣州話﹐係好平常嘅事。 但「哥」嘅正字可能係「髁」。「髁」嘅一個意思係膝蓋骨。《廣韻》﹕「髁﹐膝骨。」 呢個「髁」字﹐粵拼係fo1。我諗起﹐fo1嘅古音可能就係bo1。

殺人王

"膝頭哥"正寫唔係"膝頭䯊"咩? "䯊".膝上骨 不過好多人都認為係"膝頭蓋"嘅音轉

dada

「髁」： 《說文》﹕「髀骨也。」 《廣韻．平聲．戈韻》﹕「膝骨。」 iso10646hk：fo1, kwaa3。 「䯊」： 《玉篇》﹕「腰骨也。」 《廣韻．平聲．歌韻》﹕「膝骨。」 iso10646hk：kaa3。不過膝骨嗰個「音珂」或「音軻」﹐即係o1/ngo1。 因為冇一個比較正﹐我覺得用唔需要特別字庫嗰個「髁」好啲。

highyun

如果比較呢兩個字，我都認同dada嘅觀點。 但係，我更感興趣嘅係，咩時候，點解會轉讀成go1音呢？

殺人王

咁睇嚟劉志銘嘅"正字正確"都唔一定啱嘅

dada

我好佩服劉志銘﹐欣賞佢呢句「我才不服氣」。不過﹐聖人都會有錯﹐如果有一日佢解釋得唔夠完善﹐都係有可能嘅事。 我唔係話「䯊」字錯﹐不過覺得用「髁」好似都得﹐又冇顯示問題啫。

superjill

“菠蘿蓋”都好似唔係香港人嘅專利 老一輩嘅廣州人都有講 不過點解又會同“菠蘿”有關呢？

dada

yahoo!知識+ http://hk.knowledge.yahoo.com/question/?qid=7006040800781 「粵語叫膝蓋骨做"菠蘿蓋"，"菠蘿”是俗字，實應是"欂櫨"。 "欂櫨"是柱上承托棟梁的方形短木，又叫斗拱。膝蓋骨正有承托上身的作用，所以稱之為欂櫨蓋。黃侃曾說蘄春把膝骨叫欂櫨骨，其實不止蘄春一地有此講法。其後由於欂櫨兩字較為艱深，便被訛化成"跛羅"、"波羅"之類。」 僅供參考。我覺得「膝蓋骨正有承托上身的作用」呢句太勉強。

highyun

“欂櫨”呢個講法未必係錯，不過“膝蓋骨正有承托上身的作用”呢個講法的確係錯嘅。膝蓋骨用於保護兩條腳骨之間嘅軟骨組織，起到承托上身作用嘅係呢啲軟骨，而唔係“波羅蓋”。

紫凤凰

該詞中國北方方言有。

中二仔

仲有人話哥字無錯.

因哥字常常攞來做謔稱(細佬哥,學生哥,哥哥仔..),於是搞搞下上埋身(膝頭哥,鼻哥),當然係一個懶嘅講法,不過請問有無人知"鼻哥"本字?

卢总

以下是引用殺人王在2006-8-22 11:39:10的發言：
咁睇嚟劉志銘嘅"正字正確"都唔一定啱嘅

以下是引用dada在2006-8-22 16:27:29的發言：
我好佩服劉志銘﹐欣賞佢呢句「我才不服氣」。不過﹐聖人都會有錯﹐如果有一日佢解釋得唔夠完善﹐都係有可能嘅事。

我唔係話「?」字錯﹐不過覺得用「髁」好似都得﹐又冇顯示問題啫。

阿志铭兄几时畀你哋两个改咗“姓”？

佢寻晚上咗电视噃，你哋有冇睇到？

hongkai98

乜唔系[彭志铭]咩...