佗手lang3脚 嘅正寫？

highyun

to4手lang3/nang3脚 呢個詞，個to4同lang3我都未肯定點寫。係“佗”，“陀”，“跎”？ 用“褦”、“掕 ”？

superjill

《廣州方言詞典》 “佗”手“掕 ”腳 都可以講“佗手佗腳”

highyun

我都知道《廣州方言詞典》，但就係對“佗”同“掕”兩個字有啲懷疑。

dada

我讀nang3。 「掕」字意思啱。《說文》﹕「止馬也。」《段注》﹕「掕馬，猶勒馬也。」 「掕」字讀ling4。不過《廣東俗語考．釋動作．上》話﹕「掕讀若能上去聲。以繩縛住為掕。『唐韻』里甑切。『說文』止馬也。『博雅』止也。粵諺有馱手掕腳。藤掕瓜瓜掕藤之說。」 「褦」字意思唔啱。