[討論]“仲”非“重”

羊城惜花人

相信大家都知粵語好多字嘅正寫都係考究古籍嘅 至於個“仲”字，我諗起秦始王嬴政叫呂不偉做“仲父” 即第二個（另一個）父親 意思與今日粵語所講嘅“仲”相近 而“重”在粵語音中，我只聽過“重複”嘅“cung4”與“重量”嘅“cung5”兩個音 希望各位可以舉個讀“zung6”的例子出嚟~

dada

《粵語審音配詞字庫》﹕「重zung6﹐重心、重點、重用、重臣、重要、重鎮、重聽、慎重、穩重、嚴重。」 http://bowen.chi.cuhk.edu.hk/ 博文 - 香港中文大學中文系 - 每周話題 　　常聽廣告說「洗妳頭髮，仲洗妳睇法」，又聽到電影主題曲唱「仲有最靚豬腩肉」。細看字幕，才發現兩者都寫作「仲」字，好生奇怪。 　　這兩句中的「仲」字，均指「再次」或「還有」。那廣告的意思是：既洗淨妳的頭髮，還要改變妳的看法。然而，「仲」字在傳統的用法上，從來沒有解作「再次」的意思。「仲」字一般解作「居中」，表示位在中間。最常見的是用來表示每季的第二個月，例如春季第一個月稱「孟春」，第二個月便稱「仲春」。同一道理，秋季的第二個月，便是「仲秋」了。至於古時兄弟姊妹之間，排行第一的稱「伯」，排第二的就稱「仲」。 　　其實，這兩句廣告及電影主題曲的語義、讀音均無錯誤。只是，我們應該寫作「洗妳頭髮，『重』洗妳睇法」、「『重』有最靚豬腩肉」。這並非俚俗之言，「重」讀去聲 (音同「仲」)，解作再次，淵源甚古。屈原《離騷》：「紛吾既有此內美兮，又重之以修能。」意謂屈原既有此內在之美質，還更有絕遠之能耐。漢朝的王逸在解釋《離騷》此文時，便說：「內含天地之美氣，又重有絕遠之能。」王逸此句「重有絕遠之能」，與我們今天所說「重有最靚豬腩肉」，在句式結構上並無二致。宋朝的洪興祖解釋《離騷》「重」字時說：「『重』，儲用切，再也，非輕重之重。」可見《離騷》此句「重」字應讀去聲，正是「再次」的意思。 　　漢朝司馬遷因李陵之禍，被行宮刑。他在〈報任少卿書〉感慨道：「李陵既生降，隤其家聲，而僕又茸以蠶室，重為天下觀笑。」意思是李陵投降匈奴，破壞了李家祖先聲譽，而司馬遷因為為李陵求情，不僅被漢武帝處以宮刑，推入蠶室（古時男子行宮刑後，被關在溫密之室，因稱蠶室），還更被天下人恥笑。「重」字也解作「再次」、「還更」的意思。 　　千古傳誦的《古詩十九首》說「行行重行行，與君生別離。」細考文義，「重」字也應讀去聲，讀作「仲」而解作「再次」之意。「行行重行行」，謂詩中的遊子與家中妻子分離，他既已「行行」而離家日遠，還「重行行」致使夫妻兩人天涯相隔，所以下文才說「相去萬餘里，各在天一涯。」 　　今天，廣州方言還清楚保留了「重」字古時的用法和讀音。當我們高唱「重有最靚豬腩肉」的時候，也許會同時領略到「重」字那古樸的用法和意義。 何志華教授　28/12/03

superjill

樓上唔係一路将煲冬瓜嘅重zhong都讀成廣州話嘅cung啩？而竟不知有zung嘅讀法 唉～ 本來“仲”係啲人唔知係“重”而贪手快所寫嘅字 而傢竟有人認爲“仲”先係正確，“重”为錯誤 所以我有個大膽嘅預測：第日如果粵語重有人講嘅话，有可能由于媒體嘅影響，“仲”为慣用字，就將佢定为“正字”，“重”就“本字”，喺詩詞同成語出現 我琴晚教我表妹數學，佢竟然講：锤线，灵边 真悲哀…… em1:

highyun

垂綫講“捶綫”就好普遍，正如好多人講“誰便”一樣，但“鄰邊”講“灵边”就好難理解喇。 講返個重，點解樓主認爲冇讀zung6嘅例子？莫非“重要”你讀“從要”？

羊城惜花人

一時醒唔起~我承認呢一點上，我莽撞噉寫落嚟，係我疏忽，係我錯~ 但我都係讚成用個“仲”字

rugal

superjill在2006-7-30 11:23:53說道：[br]樓上唔係一路将煲冬瓜嘅重zhong都讀成廣州話嘅cung啩？而竟不知有zung嘅讀法 唉～ 本來“仲”係啲人唔知係“重”而贪手快所寫嘅字 而傢竟有人認爲“仲”先係正確，“重”为錯誤 所以我有個大膽嘅預測：第日如果粵語重有人講嘅话，有可能由于媒體嘅影響，“仲”为慣用字，就將佢定为“正字”，“重”就“本字”，喺詩詞同成語出現 我琴晚教我表妹數學，佢竟然講：锤线，灵边 真悲哀…… em1:

糾正翻你表妹嘅讀音就好。

rugal

我記得樓主嘅話題以前唔知喺邊度睇過。我而家偏向用“重”。

Hugo_030

个"重"字觉得系正写啦! 真系唔明点解lz重要认为应该写"仲". 不如你随便讲个理由出嚟好唔好?