攝靚 vs 靚 vs 中原音韻轉音

ahju

Sip leng (攝靚）一詞本來係喺粵語面臨絕種嘅一個詞。但隨著講粵語，正字正音，等等活動。呢個字突然生猛起來，本來從未聽過嘅詞，宜家變得好熟悉。先講下書本嘅記載，【廣東俗語考】&【廣州語本字】寫為 「霅電」。王亭之亦有話「霅電」。「霅電」嘅「電」點解會讀成 leng？呢個真係考功夫。【廣州語本字】話係中原音韻轉音。點轉法？【廣州語本字】冇寫。而佛山電視臺 「粵講粵過癮」 2009-07-09嘅 Sip leng寫作霅爧，「行雷霅爧」嘅霅爧，呢嗰音就好接近。澳門中華詩詞學會-任風塵 嘅 - 攝青 =霅爧更加係一絕。任風塵話「霅爧」本讀 「攝青」後來轉音成 「攝靚」。呢個有啲意思，如何係真，就可以解釋到點解粵語嘅「靚」會讀「leng」音。就是中原音韻轉音。

一個構想：
上古時 ， 霅爧嘅 「爧」 &「靚」都係讀 「青」。 先期嘅霅爧傳到廣東就有咗「攝青」一音。後來中原音韻轉音 「爧」 字轉讀 「令」， 讀為 「 攝靚」 嘅 霅爧 再傳到廣東，就有咗「攝靚」一音。 同時候廣東嘅 「靚」字亦隨中原音韻轉音成為今日嘅「leng」。中原嘅「靚」讀「青」冇變。                    

「爧」會不會係 中原音韻轉音 - 「青」轉讀「leng」留喺現今北方語言的一個「證據」？ 暫時冇任何相關資料。呢個就要等啲高人指點咯。

melop

貌似 電 上古就係 l 聲母。見：http://www.eastling.org/oc/oldage.aspx