父後七日___ 子欲孝而親不在

猫妖008

　　　　　台灣，近年不斷有好嘅電影，呢兩日，我睇咗幾次咦套戲：＜父後七日＞（seven days in heaven)．
　　　　劇情，其實真係冇乜，就一句話：返鄉下奔喪．就從阿梅嘅爸爸走嘅嗰日開始，將台灣中部農村嘅一場隆重嘅喪禮，原原本本咁拍出嚟．
　　　　好多人都會覺得，呢套戲，講一場喪禮，場面一定多數係號啕大哭，不斷咁樣重復子女喪親之痛～～啱啱相反，套戲，將鄉下人辦白事嘅細節拍得好細致，又用台語配音，鄉情非常之濃，宜家個個都陪住部電腦過日子，對於鬼神之說，早就唔放在眼內，每每紅事白事嘅儀式，謂之生人做畀生人睇，但係，套戲裡面，呢啲生人做畀生人睇嘅儀式非常認真而隆重，無論係喃嘸佬，亦或幫手嘅親戚朋友，嗰啲發自內心對死者嘅懷念與尊敬，難以用迷信去否定．
　　　　7日嘅過程，有好多情節過場令你捧腹大笑，就套戲嘅一分幾鈡嘅宣傳片，都笑到你肚痛，但係大笑之余，你又情不自禁淚流滿面．因為喪父之痛，總會喺每一個罅隙中泌出嚟，於是，你會猛然發現，呢啲咁烦琐嘅儀式，原來可以分散喪親者嘅注意力，緩和一下痛楚．
　　　　我覺得，導演淨係想講一樣：子欲孝而親不在．尤其宜家，好多時，唔係因為＇子＇從來就唔孝順，而係，唔同嘅生活軌跡，唔一樣嘅生活追求，想實現嘅理想，目標太多，而，人嘅生命太無常！
　　　　電影選擇喺台灣中部農村拍，基本上台語嘅對白．使到電影非常親切，就好似＜海角7號＞一樣，令你亦好想生活喺嗰一片土地，因為，喺嗰度，無論人嘅生，老，病，死，講八卦，都係善良嘅，而且好真實～～世界不斷變遷，變得人心不古，但係，呢度似乎時間過得特別慢，變化又嚟特別遲，就好似火車站嘅時鈡，即使停咗都無人去為意．

shorts

我都好想睇呢套戲。