“神出咁早”？点解？

多多雅

粤语中平时好多具体嘅形容词，譬如话:水蛇春咁长，冇雷公咁远…… 但系最近听人讲“神出咁早”，请问有冇人知道呢个词点得来，正确写法系点写？

superjill

一般講“晨七咁早”，我理解係早晨七點咁早，但係舊時七點其實無算早…… 如果本來係係“晨出”都唔係無可能，因爲因爲有啲方言將“出”讀成“七” “晨出”可以理解為日出，南方如果唔係天冷，日出都係好早嘅

highyun

“晨七咁早”唔及“蒙七咁早”常用，不過意思都係一樣。

dada

繁體應該係「濛七咁早」。有咗三點水﹐當堂加咗啲「水氣綿細密布的樣子」。

highyun

似乎係“蒙蒙光”嘅意思啩？

dada

可能唔係「濛」﹐雖然﹕ 《國語辭典》﹕「灰濛濛﹐暗淡無光、模糊不清的樣子。」或作「灰蒙蒙。」 《國語辭典》﹕「蒙蒙﹐昏暗不明﹔萌生﹔形容多而密布的樣子。」 《國語辭典》﹕「蒙籠﹐模糊不明。」 《廣州話方言詞典》﹕「矇矇光。」 《國語辭典》﹕「矇矇﹐昏暗不明。引申為不明理﹑不開通。」 《國語辭典》﹕「矇矓﹐將睡時眼睛欲閉又張的樣子﹔模糊﹑不分明。」 《國語辭典》﹕「朦朧﹐月色昏暗的樣子﹔不清楚﹑模糊」。 《廣東俗語考‧釋天時》﹕「天將曉為朦朧光。朦讀若懵平聲。朧讀若碌平聲。言天未明如月之朦朧也。又謂之天朦光。」

dada

我唔記得話﹐我都係講mung1 lung1 光﹐唔係mung1 mung1 光。

highyun

廣州話清一色係講mung1 mung1光，不過係用“蒙”定“朦”就唔肯定。

外外星人

一个简单问题点解搞到咁复杂？

 

辰七咁早

朦咳咁早

（蒙系动词，朦先系形容词）