[求助]教飞  正确写法係点？

ice

请问 教飞 嘅正确写法 如： 唔好攞条命仔嚟教飞

highyun

應該係“校飛”，係指啲好高風險嘅事。 我記得以前“俗語趣談”論壇討論過呢個詞，係指啲飛機試飛行（調校飛行），當然危險啦。

ice

原嚟係咁，唔该嗮

夢星羽

飛，以前的廣東話把“子彈”稱之爲“飛”、“飛子”， 因新槍必須先經調試方能使用， 先用新槍瞄準射擊，然後根據誤差進行調校，這個過程就叫做“校飛”， “校飛”並不危險， 問題是，如果用你來作爲瞄準目標進行“校飛”的話，那可就險過剃頭了。而且，佢越校得準，你就越死得快。 所以廣東話常說“唔好攞我來校飛”，其危險的地方就在於“攞我”，而不在於“校飛”。

殺人王

又學到嘢!!!

highyun

多謝夢兄嘅指正。“飛”嘅講法而家都成日同子彈有關，“幾飛子彈”。