越南人口分布合理过广东好多

使君子

越南国土面积，大致相当两广海南加埋，亦接近德国面积。2010年8月人口普查，越南好快就有八千六百万人。
～
广东得越南一半大细，人口已破亿（里头岭北籍去到几大比数诸位心中有数），超七程聚集于珠江三角洲，剩低配份，潮汕平原亘绝分得最多。
而三角洲内，于东莞深圳核心街路日头行走，并无甚烈逼屈感觉，愚驾龄三岁，驱福士仔兜南海顺德干道，常保时速八十百二上落，足可得证，省城纳员之惊人肚量。
～
睇返越南，人丁厚积于「哑铃」两极三角洲（河内、西贡），尽数去到总份六程有突嗟。即系话，越南「到处杨梅一样花」，躯体均衡发育，度度有工开。

砖拍后尾枕

呵呵，棍子嘅越南研究专题又有新成果发表啵，恭喜先！
早轮有传闻话你嫁女啵，系真唔系？

xiss

省城系好逼咖，所以各位外来务工人员，能够唔去就唔好去，能够少去就咪少啲去，费事凑热闹，人逼人啦，就当系还广州人一个安宁日子，积下阴德

不关云和月

点解楼主好似好熟悉越南噉嘅？莫非娶咗个越南新娘？

阿森

听讲话河内好玩过西贡

使君子

越南面积33万KM2，人口8600万；德国36万KM2，8200万。哩个人口密度分布架构就最岩持续发展嘎啦。

越南城市人均住宅面积20M2，农村16M2，即系话，越南农村人口密度仲高过城市小小，哩点同广东岩好调转。
越南农村人口收入吾会低得过城市，所以越南农村人口吾会逼晒去城市。

阿森

国穷民富

使君子

长达百年的战乱，越南男人死甘大半，搞到女人人口多过男人成倍几。
邻近广西云南的北圻农村非常贫穷，而富裕的南圻并不缺女人，所以过剩的北圻农村女人，惟有远嫁去 江南、台湾、南韩、南洋 的农村男人。

而根据这些远嫁女的反响，除了南洋的环境比较好之外，江南、台湾、南韩 的农村都比较贫穷落后，生活质素甚至未必及得上老家。

阿森

唔讲唔知 好惨

Vncantonese

使君子真係一派胡言，越南鄉下嘅密集度點會高過城市呢。同埋越南鄉下大部分都係窮都甩骨，收入比大城市差好遠。跟其他國家一樣，越南鄉下人都走晒入城市搵工做。胡志明市（西貢SÀI GÒN）就係一個例子。
如果你哋上去越南玩，可以去西貢（而家叫胡志明市），係越南最大嘅城市，呢度中有好多華人（多數都重講得廣東話嘅），華人人數大約有100萬。河內首都比較古典啲。想睇靚沙灘可以去芽莊（NHA TRANG）。

阿森

回覆 10# Vncantonese


    聽講話西貢主要系商業發達；鐘意古跡嘅人士喺河內度會好開心啦~

使君子

睇你点分类，如古得 河内、西贡 先算得系「城市」，甘 芽庄、大叻、会安、顺化 就惟有系算「农村」。

美拖（my tho）好似上个世纪的广州珠江口蛋家村。

芽庄家下人多左，水无甘清，推荐美奈。