[灌水]吹吹世界杯!

auyeung

四年一度嘅世界杯已经落下帷幕!回想呢一个月嚟睇波经历,好似一下就过咗咁,好快,好快...对于今届世界杯,冇乜意见!无论係过程抑或结果!最终意大利四度捧杯~! 世界杯,我係98年开始睇,到咗02年嗰届,喺我记忆中係冇嘅!始终觉得02年嗰届太差,太差!差到冇嘢讲!所以只有98同今届,不过今届又觉得差紧啲嘢,始终冇98嗰届好!唔知係咪先睇为主嘅关系??98年嗰时好细个,小学仲未毕业!唔知点样开始钟意上睇波?当时睇波就睇波,识得几个当打球星.现在睇波加多咗自己嘅意见,诸如排兵布阵,场上走位,队友间配合!对于嗰时嘅比赛更加向往,虽然好多已经唔记得!嗰时世界杯係咪比现在更加火暴?我觉得係! 小时候.......

余OK

樓主又有懶音，係「差噉啲嘢」先啱。我亦都有所謂「先睇為主」之感，不過你重細我幾年。我第一次睇世界盃係94嗰屆，當時我讀緊初一，好記得當年世界盃期間因為西水大，學校放咗一排假唔使上課，因此得以捱夜睇波，晚晚喺屋企個廳度攤地鋪嚟睇，亦係至今為止我印象最深刻嘅一屆。如果你睇過嗰屆，可能對98打後嗰啲都好似我噉提唔起興趣。我唔講嗰屆波踢成點，淨係講講一啲視覺感受，因為嗰屆係美國主辦，財大氣粗，球場個個都好大規模，雖然比賽場數比後嚟幾屆少（因為祇有24個參賽隊），但入場觀眾重遠遠超過其他咁多屆，啲草地望落去圖案花樣好多，舒心悅目，場場波幾乎係正午時分開波，鏡頭非常之清晰，即使而家睇返都重係咁新鮮。球員嘅波衫圖案幾唔錯（尤其鍾意德國同巴西嗰兩套，甚至覺得後屘幾屆啲波衫肉酸），因此整體視覺效果眞係好鬼正。加之嗰屆重未擴大參賽隊數，而且賭波之風重未盛行（個人認為足球同賭博掛勾會嚴重影響比賽嘅可觀性），小組賽有部分第3名嘅球隊依然可以進入16強，局勢有時錯綜迷離，因此並唔似而家小組賽頭兩名出線噉樣冇乜懸念而且容易打假波。重有一樣就係嗰屆平均每場入波都唔少，眞正係打攻勢足球嘅一屆。。。

auyeung

94嗰届就梗係冇睇过喇!不过事后睇番啲片段,觉得你所讲嘅嘢冇10成10喎!球场大就肯定嘅,地多吖嘛!我讲嘅事后係98嗰年嘅赛前回顾~!至于颜色就差咗啲喇,因为我係事后睇番!而球队就梗係好好多架喇,当时未扩军,球队数目有保证,打出嚟嘅效果就梗係好好多!你睇过现在仲有边队可以入到去8强,02除外!差晒!以前或多或少记忆深啲!至于波衫就更加冇留意,净係记得好花fit,冇喇!吹住咁多先!