太守 讀“太手”定“太瘦”？

highyun

太守 係古代嘅一個官職名，照字讀應該讀“太手”，但聽古嘅時候係聽到“太瘦”，所以有此一問。

dada

《國語辭典》有﹕「守 shòu﹐通『狩』」、「太守 tài shǒu」。 我查過幾部字典﹐同《中國歷代職官詞典》﹐「太守」應該同「狩」冇關係。

余OK

普語好似係讀太shou4，由此可推斷呢個係一個多音字。。。

dada

但係﹐根據《金山詞霸》同《在線新華字典》http://www.httpcn.com/life/dict.asp?act=1&word=%ca%d8﹐「守」字冇shou4音。

highyun

金山詞霸入面，守 只有一個普語發音。 審音配詞入面，守 有兩個粵語發音同兩個普語發音。

superjill

以前聽講古同埋睇亞視配音嘅《三國演義》都係講“太瘦”

殺人王

我覺得讀白話大部分人讀"太瘦"

佛山霍先生

哈哈，楷叔讲三国讲过多次

dada

unicode http://www.unicode.org/cgi-bin/getunihandata.pl?codepoint=5b88有一個粵音﹐兩個普音。 iso10646hk有兩個粵音。

夢星羽

“太守”的“守”字與“狩”字通用，故應讀“狩”字音。 《孟子·梁惠王下》：天子適諸侯曰巡狩。巡狩者，巡所守也。 《白虎通》解曰：巡者，循也。狩者，牧也。爲天下循行守牧民也。 在漢代，州之長曰牧，郡之長曰守，即取其“守（狩）牧”之意。 《康熙字典》的“守”字釋文中，“守”字可讀“首”、“獸”、“矢”、“泚”、“粹”等音， 其在“獸”音之下釋“守”字之義曰：“天子巡諸侯所守曰巡守，諸侯爲天子守土亦曰守。漢置郡太守。”應即本此。

highyun

唔係呢篇討論，我一直以爲“狩”讀“手”音。我諗大部分廣東人都同我類似。

superjill

我都係讀“痩獵”

佛山霍先生

70岁以上的人大多读“太瘦”，估计后生仔读“手”是错的

佛山霍先生

highyun在2006-7-13 23:08:43說道：[br]唔係呢篇討論，我一直以爲“狩”讀“手”音。我諗大部分廣東人都同我類似。

讲得啱，可惜大部份人都系读错音。

dada

王力《古代漢語》同《國語辭典》都冇話「太守」個「守」字讀shou4。今日真係重有人讀shou4﹖ 我噉問﹐係因為「三思」個「三」﹐一個小學先生教我哋讀saam3﹐《粵語審音配詞字庫》都係噉講。呢個字庫同unicode話粵語同普語都有兩個讀音。《國語辭典》兩個音都有收入：「san4si1（又音）san1si1」。不過﹐我喺北大論壇問過﹐冇人知道「三」有一個去聲。

highyun

三思個三讀saam4，我都係睇香港古裝片先發現，當時覺得好奇怪，因爲呢度完全冇人噉講。就連anl，我當時同佢講，佢都係話讀saam1思。

佛山霍先生

highyun在2006-7-14 12:54:31說道：[br]三思個三讀saam4，我都係睇香港古裝片先發現，當時覺得好奇怪，因爲呢度完全冇人噉講。就連anl，我當時同佢講，佢都係話讀saam1思。

香港保留咗好多旧时读音，特别系80年中期以前剧集，读音比较正统，冇而家噉多懒音。以前边个讲懒音就会被群起攻之，及后懒音越来越多，现今香港后起艺人十停有七停都系一口懒音，大有成为主流之势，呜呼！