等

游人

日漸降，你為何重唔來？莫非你早已離我已開？等得咁耐，口訊亦不來。莫非工作延長，使你行唔開？抑或塞車，於車裡痴呆？還是架車死火，噉就真正悲哀。慌你於煙花地上，消費錢財。不過這樣，係唔應該。你話對我痴心一片，又何會亂來？唉，越思越想，就越更悲哀。望君你快快返來。


之二
等又等，企嚮望月樓。等到心煩又心憂。就若牛郎拖耕牛。可憐可憐等到秋。秋風涼透人更愁。記得與妹誓願把指勾。互相意合，兩情投。望月樓上，又見情人泛舟。兩人相對樂悠悠。只得我在樓上把妹吼。唉，真正心急，望妹你快快來此望月樓。

阿森

痴男怨女