“唔”同“吳”發音唔同？

rugal

粵拼顯示，韻母一個係m，一個係ng。

ewSnake

就係唔同嘅

细路

你而家至知吖？ em6:

west

我就真喺依家先知，我一直都將個吳字讀成唔音

dada

我哋嗰度﹐「吳」讀m4﹐「唔」讀m1。

余OK

dada，我聽到老一輩順德人發「吳」時係唔合口嘅，所以音標應該係返ng。。。

dada

我講嘅係七八十年前傳出非洲嘅順德話﹐可能今日唔同內地講法。記得小學時候﹐有個同學叫吳愛金﹐成日畀人哋笑佢唔愛金。我重記得﹐有一日寫日記（先生要我哋寫日記）﹐講到呢個名﹐我大約寫﹕「吳音吾﹐吳愛金係吾愛金﹐即係我愛金﹐唔係唔愛金。」 當時可能十一二歲﹐已經學人咬文嚼字﹗

余OK

的確廣府人都好鍾意取笑姓吳嘅人名。有一個好經典嘅嚟自我老竇嘅講述：喺民國時期，順德有一次猜燈謎，謎面係「自梳女」，猜時人一。謎底係乜？原來係「吳佩孚」，取其諧音「唔配夫」之意，自梳女又以順德最出名，眞係夠晒絕。不過而家睇返起嚟，「吳」係唔合口嘅ng音，「唔」係合口音m，嚴格嚟講兩者祇算諧音唔算同音，不過今時今日嘅主流廣州音都經已係同一個音咯，順德新口音「吳」亦都係合口音。。。

dada

咪住先﹐我有啲唔明白。《粵語審音配詞字庫》話「吳」字讀ng4。你係咪話﹐順德人以前讀ng4﹐而家有人讀m4﹖

itxu2k

有冇人将"吴"读[hng4]...肇庆好多老人家都噉读,完全开口音

highyun

dada在2006-7-19 23:18:55說道：[br]咪住先﹐我有啲唔明白。《粵語審音配詞字庫》話「吳」字讀ng4。你係咪話﹐順德人以前讀ng4﹐而家有人讀m4﹖

吳正讀係ng4，廣府地區都係一樣，只不過而家懶音流行，已經好少人知道有ng4呢個發音，所有讀ng4嘅字都一律講成m4。

dada

原來係懶音。不過我要聲明﹐我哋講咗幾十年m4﹐唔係懶音。

余OK

證明dada嗰陣帶出去嘅順德話係未經過正音嘅順德話，哈哈，而家順德50歲以上嘅民眾發「吳」都多數係ng4。不過另外一點，即使係年老一輩嘅順德人都冇n、l之分，所以我認為n、l不分喺順德音入便唔算懶音嘅範疇，祇可以講兩者喺好耐之前早已退化成一個l音。。。