[討論]怪事：因村名用字生僻而導致村民身份證換領延誤

余OK

　　提起身份證換領問題，一個同事今日講咗噉樣一件事而導致佢遲遲未攞到新版身份證： 　　同事係嚟自廣東封開一條較偏遠嘅農村，因村名有一個生僻字「㒼」（滿字唔要左邊三點水），當地政府以電腦輸入唔方便，甚至認為電腦根本輸入唔到呢個字為由而提出要更改村名，但招致村內老一輩民眾嘅反對而拖咗好耐未成事，相反村內嘅大學生覺得改唔改都冇所謂，於是身份證上地名用字如何取捨就成咗議事日程仍未解決。 　　聞及此事，眼見現今社會對傳統文字處理嘅態度，眞係於我心有戚戚然，君不見經常因所謂電腦輸入法（當然係唔支持大字庫嘅輸入法）輸入唔到個別人名、地名而用別字甚至用**之類嘅符號含糊略過，唔通就冇更好辦法嚟解決，偏要同從老祖宗到而家一直使用嘅文字過意唔去？要廢除點解唔早喺文字改革年代一概剷除埋呢啲「殘渣餘孽文字」？！

superjill

讲到尾其实就係相关部门唔負責任～ 電腦可以造字、插圖，呢啲問題只要有心都唔難解决 以往唔電腦未普及嗰時，好多身份證都係用手寫，又唔見呢啲問題出現？ 部門職能人員應該要學下點樣用電腦，淨係識得打簡單嘅字係唔夠，尤其係做呢啲經常遇到生僻字嘅職位 我哋納稅人出咁多錢養你哋，你重要乜嘢都唔識，交翻畀我哋納稅人來解决？

细路

讲到尾其实喺打字员未够班。。打字水平好有限

殺人王

电脑不认冷僻字你就要改名？是否侵权？ 换领“二代身份证”的大限一日日逼近，坚持了半年多“拒不改名”的李先生挺不下去了：他的一代证刚被小贼牵走，办证中心告诉他，一代证停办了，名中带有生僻字的他除了改名别无他法。有此“梦魇”的远不止李先生一个，有专家保守估计，至少上百万人面临着“被迫自愿”改名。 一个疑问挥之不去：如此被“二代证”逼着“自愿”改名，是否“涉嫌”侵犯了公民的姓名权？ …… 早在广东省“二代证”换发工作开始时，广东警方就通过媒体向市民“劝谕”：建议申办者尽早更改名字中的非规范字。 不想，“反弹”也不小，一篇“中国人起名该以人为本还是以电脑为本？”的文章在各网站上成为热帖，文章从各个角度对“改名”这一解决之道进行反驳。一时间，对“二代证要人改名”的反思风生水起——— 电脑是为人服务的，姓名这么神圣的东西怎可以受制于电脑？ 中华民族取名之事绵延不绝，规范小字库只会让重名更严重！ 许多汉语言文化正是在一些名字里传承，限制使用生僻字是对历史文化的一种不尊重。 改名后，户口簿、工资卡、保险卡、银行存折、房产证、驾驶证、人事档案、学生证、毕业证、学位证、各类技术资格证、水电煤气收费证……要改名吗？谁来解决“后遗症”？ 更为重要的是，不少法律界人士非常不认同因为“二代证”的办理“逼迫”公民更名的行为。 …… （http://www.ycwb.com/gb/content/2006-07/06/content_1159905.htm）

余OK

根據三樓提示，搵到嗰篇文，大家不妨去睇睇——http://www.war-sky.com/forum/htm_data/70/0510/150777.html「中國人起名該以人為本還是以電腦為本」。。。

殺人王

電腦升級真係咁難咩?點解政府要咁?

rugal

垃圾統治者。

Hugo_030

噉究竟个"滿字唔要三点水"呢个字有冇人大到出嚟啊???????

余OK

7樓，我喺頂樓貼經已打咗嗰個字出嚟啦，你部機冇裝大字庫所以顯示唔到。。。

superjill

班人啲網絡技術咁犀利，搞到我哋連某電臺網站都上唔到 打個字都唔識？ 我唔信！

殺人王

superjill在2006-7-8 22:17:45說道：[br]班人啲網絡技術咁犀利，搞到我哋連某電臺網站都上唔到 打個字都唔識？ 我唔信！

呢個就係"為人民服務"嘅偉大証明

夢星羽

“㒼”字都打唔出，恁都算認眞“㒼塞”囉！

highyun

喺http://www.chinalanguage.com/cgi-bin/view.php呢度查到呢個字，英文解釋係： [2] [v] cover something carefully and tightly without a break 有“㒼塞”嘅意思，夢兄可否引用古籍使我確信係呢個字啊？

余OK

據我同事以封開當地話讀呢個字音若loeng1，似乎與mang4音有差距。。。

highyun

網上字典查到粵語係讀mang4 。

dada

「㒼塞」係咩意思﹖塞滿﹖ 根據iso10646﹐「㒼」有兩個音﹕mun4﹐mang4。（「多音字注音的排序原則上以音的使用率為據。」）

yjf1024

我用簡易粵語拼音輸入法打：㒼

highyun

mang4塞，即係“見識少，愈鈍，死板”，呢個詞好常用，莫非dada帶出去嘅順德話冇接觸過呢個詞？

外外星人

原帖由 余OK 於 2006-7-8 19:51 發表 根據三樓提示，搵到嗰篇文，大家不妨去睇睇——http://www.war-sky.com/forum/htm_data/70/0510/150777.html「中國人起名該以人為本還是以電腦為本」。。。

 

你要访问的页面不存在,
请点此访问论坛其他内容！

 

原帖由 highyun 於 2006-7-21 23:40 發表 喺http://www.chinalanguage.com/cgi-bin/view.php呢度查到呢個字，英文解釋係： [2] [v] cover something carefully and tightly without a break 有「㒼塞」嘅意思，夢兄可否引用古籍使我確信係呢個字啊？ ...

 

找不到网页

 

 

相比之下，粤协生存至今，确系唔容易。

 

cingsan

你唔使觉咪架？？