傳統部首粵讀：一袞主撇，乙橛二頭

lotus7174

有冇人有傳統《康熙》部首粵讀、普通話發音，同意思啊？

而家大家都話「草花頭」（艹）、「冧蓬頭」（宀）、
「撐艇」（辶）、「絞<kíu 13>絲邊」（糹）、「戾<léi 35>狗邊」（犭）、
「戾衣邊」（衤）等等。

恁「礻」係唔係「戾示邊」，「豸」係唔係「戾貓邊」啊？
有人將「豸」叫做「蟲豸（廣州話、普通話，音：治）旁」（唔係「蟲字旁」）。

而大陸《辭海》用部首俗名，例如「寶蓋頭」（宀）、「絞絲旁」（糹）等等。

台灣普通話真係用部首嘅本名，如「艸（草本字）字頭」、
「糸（廣州話、普通話，音：覓）字旁」，等等。恁好似「有文化」尐。

我細個有位長輩，二百一十六（？）個部首，連同異體字，從頭到尾，四個四個讀出來。
可惜，佢嘅鄉音，有尐音唔分，所以我冇辦法抄。

一：一
丨：袞<gwén 35>
丶：主（主字上便嗰點，故名）
丿：撇（一撇恁解）

乙：乙<yùed 33>（爾個字唔讀做「月」<yüed 22>）
亅：橛<güed 22>（音：一橛橛個橛）
二：二
亠：頭（字之頭也，本無此字，只做部首用）

人：人
亻：人（企人邊；人字變形，出現於字的左半，屬人字部）
儿：人（人字變形，出現於字的下半；大陸：「兒」簡體）
入：入

八：八
冂：冏陰平<gwîng 55>？（大陸：同字框）
冖：覓<mïg 22>？（冇點嘅冧蓬頭；大陸：平寶蓋）
冫：冰（冰本字）

……

多謝！

Vncantonese

商務新字典嘅附錄有部首嘅粵音讀法。不過只仲有212個部首啫。
話時話，想問下傳統嘅漢字應該分幾多部首？我睇好多書都話214個。

游人

我家中講犭為「狗爪邊」,礻為「示字部」,竹為「竹花頭」,噉有無問題?

lotus7174

商務新字典嘅附錄有部首嘅粵音讀法。不過只仲有212個部首啫。
話時話，想問下傳統嘅漢字應該分幾多部首？我 ...
Vncantonese 發表於 2010-9-12 18:19

唔小心會將「夂」（降字的右上角；出現於字的上半）包埋
「夊」（夏字的下半；出現於字的下半，左上角撇穿）。
現代大陸字形只有前者。

又唔小心會將「匚」（匡字的框；兩角皆為直角；音：方<fông 55>）
包埋「匸」（區字的框；左上角橫筆較長，左下角弧形；
好似係音：蝦米切，陽上，<héi 13>）。
現代大陸字形只有前者。

搵倒爾個，但係唔齊。佢係「部件」（偏旁），唔係字典部首，
而且有尐係本名，有尐係部首俗名冇讀音。
http://bbs.cantonese.asia/redirect.php?goto=findpost&pid=200244&ptid=18432
多謝！