 呢個請宣傳助理廣告，純屬虛構。 八方噚日介紹一份收錢睇鹹片嘅娛樂事務主任筍工畀大家，估唔到網民有更好介紹。有人喺 facebook上發現，政府新聞處聘請多名政策宣傳助理（ Policy Promotion Assistant， PPA），職責係協助政府向市民宣傳政策、闡釋政府立場。 新聞處否認根據網上資料， PPA具體工作係協助營運特區政府 facebook專頁，應徵資格係「支持香港特別行政區施政」，亦要會考中、英文獲得 C級或以上成績，最好熟悉政府運作同社會時事。呢個職位聘用形式好破格，係兼職性質，而且需不定時工作，建議每周工時不多於 18小時，喺中環政府新聞處返工。
呢份返工奉旨玩 fb嘅絕世好工，人工都唔錯，在討論區或 facebook等社交網站， post一個帖可獲 5蚊酬金；睇到呢度，明啦，原來係諷刺政府近日喺網上宣傳，好似內地「五毛黨」咁做假民意。八方聽聞有人致電新聞處查詢，先知道係惡搞，新聞處否認有招聘職位，表示只會喺公務員事務局招聘網頁，同報章刊登招聘廣告。 
| 
發表於 2010-9-10 07:41:26
