 設計圖片 舊上海租界當年某些洋人出入嘅地方，有所謂「華人與狗，不得內進」歧視中國人嘅規矩，八方想唔到原來今日已回歸祖國、已經係 21世紀嘅香港，一樣有處地方係「華人與狗，不得內進」！呢一處地方，正正係祖國駐港機構中聯辦！不過此「華人與狗」，又與當年大上海租界的「華人與狗」，大有不同。 大老爺都搭口話說舊年支聯會去西環抗議CCP拘捕《 08憲章》發起人劉小Ball，其間有示威者衝過中聯辦大閘，結果警方將闖入「禁地」嘅梁國華、李卓人、蔡耀昌等人全部告上法庭，審訊時更加首次要傳召西環幹部出庭作供，加上被告搵同中方冇偈傾嘅資深大狀李柱銘代表辯護，案件真係相當有政治話題性。
日前呢單案再開庭，旁聽嘅支聯會中人同八方講，馬丁呢位資深大狀，喺庭上指西環重地乃祖國官方駐港機構，李卓人等人係中國公民，冇理由唔可以畀佢哋入去，又問作供嘅西環幹部，究竟有冇白紙黑字寫明，有乜理由唔畀阿人呢班中國公民入去先？
做證人嘅西環幹部梗係話，佢哋有大堆理由唔畀冇受邀請嘅人入去，但呢個時候主審嘅大老爺搭口話，就算以前有人喺私人地方寫明「華人與狗，不得內進」，都唔代表咁樣係合理喎！大老爺呢句話一出，有支記中人已忍唔住笑咗出嚟！ 支記各有演繹原來佢哋轉數勁快，有人即時諗起，三個俾人告嘅支記成員個名，夾埋一齊剛剛好就係「華（梁國華）人（李卓人）與狗（蔡耀昌花名叫狗哥）」，法官一語中的，西環真係「華人與狗，不得內進」。又有支記中好事之徒話，「華人與狗」其實亦可以演繹為支記領導層，即係「華（司徒華）人（李卓人）與狗（蔡耀昌）」，即係支記主席同兩個副主席。
結果成班支記中人越諗越好玩，索性後來在法庭外面叫口號抗議，阿人帶頭高叫西環係「華人與狗，不得內進」，在場記者唔明呢句口號有乜含義，但係佢哋就越叫越想笑，因為真係好鬼啱 feel。 話你知
狗哥因覓食得名支聯會副主席蔡耀昌一向有個花名叫「狗哥」，近年有人將「狗哥」尊稱為「九哥」，以為幫佢升呢，其實錯晒。
八方噚日再次請蔡耀昌自述點解會有狗哥之名。佢一錘定音，指「狗哥」先係貨真價實正版花名。話說當年佢讀中大，有次唔知係開學聯會定係中大學生會，吹水至半夜三更，人人嗌餓，有人叫佢去摷下有乜剩餘物資頂肚，佢不負眾望摷到唔少餅乾零食，同儕讚揚佢覓食本能同獵狗一樣咁靈敏，於是冠以「獵狗」之名，後來尊稱佢「狗哥」，若然大家熟不拘禮，嗌佢「阿狗」，一樣咁歡喜咁話。
mailto:pf_lee@appledaily.com 
| 
發表於 2010-9-6 19:40:43
呢單嘢就珍珠都冇咁真！
