論壇會員 操作系統使用情況 調查

xiss

你宜家正使用嘅係邊一款操作系統？

安裝雙系統嘅用戶注意，請選擇你最常用嘅嗰套系統。

使君子

毫无疑问，xp大热胜出。。。

TsuNT(♂)

Vista   \ 7   \ Ubuntu \其它Linux系統
都冇用過, 以后有機會再試下 Linux

xiss

毫无疑问，xp大热胜出。。。
使君子 發表於 2010-8-18 17:02

的確毫無懸念~~

紫凤凰

我係用Vista，不過我一直想轉返XP，但好死唔死，幾次換裝XP都失敗，只能裝Vista。基本上所有方法都試過，就係換唔到。

dukedz

一直用ubuntu，E+用緊10.04版。
用過fedora、centos等其它linux系統。
很少情況下必須用IE、windows系統時(如網銀)才打開虛擬機跑xp。

xiss

一直用ubuntu，E+用緊10.04版。
用過fedora、centos等其它linux系統。
很少情況下必須用IE、windows系統時( ...
dukedz 發表於 2010-8-21 20:37

Ubuntu呢套系統，好多操作都要指令集，連裝個字體都要上網搵指令集。你肯定係一位專業電腦人士

dukedz

回覆 7# xiss

   雙擊字體文件即可打開預覽，預覽窗口右下角就有一個「Install Font」按鈕，點一下便可安裝成功。
當然也可以複製字體文件到/usr/share/fonts/目錄下，用命令也方便的很，打兩個字母按下table就自動補全了。很方便的說。

  其實我也算不上什麼高手，N年前我也是windows用戶，曾用過一段時間linux，可惜沒堅持下來，再後來下了狠心，直接把WinS系統刪掉乾淨(包括win下的各種軟件)。時間長了便習慣了linux。

ps：我是電子愛好者，偏向無線電同埋嵌入式，在嵌入式領域離不開linux，這也是我強迫自己用linux的原因^_^.

紫凤凰

Linux比較適用於嗰啲工作用嘅。Windows多數係家用電腦嘅。但家下好多單位都係用Windows，畀佢壟斷晒，我都用過Linux。

TsuNT(♂)

我係用Vista，不過我一直想轉返XP，但好死唔死，幾次換裝XP都失敗，只能裝Vista。基本上所有方法都試過，就 ...
紫凤凰 發表於 2010-8-21 20:27

-----都未用過Vista, 以前就係:
   w98啟動(啟動碟\另一啟動硬盤) --> format --> Fdisk(第一分區后好似需要小於20G,再需要激活第一分區)--> 裝98 --> 裝XP

TsuNT(♂)

Linux 一D都未見過人地嘅使用, 未有一個直觀印象,

紫凤凰

Linux少人用，一個現象就係而家好多家用同埋公司電腦都係用Windows，如果係蘋果機就用Mac，反正就係Microsoft納晒。

xiss

老實講，如果唔係專業玩開電腦，對指令集、編程比較熟悉嗰啲人、用Linux只會帶嚟一個後果：低效耗時耗力

Windows偉大就在於佢將電腦操作帶至盡可能嘅簡便，使更多電腦業外人士用電腦時可以好簡單噉操作電腦。而電腦使用者中，呢啲業外人士嘅人數肯定遠遠多於識得指令集嘅嗰班人。至於你話微軟壟斷等等嗰啲，係道德上嘅譴責，與系統技術無關。但從系統技術方面嚟講，Windows的確比Linux人性化得多。

Linux嘅入門門檻太高喇，係Linux將廣大普通電腦用戶拒之門外，而非普通用戶唔肯用Linux。試問Linux嘅易用性能夠媲美Windows，或者有Windows 80%嘅易用性，重會有人寧願攞一大筆錢出嚟買Windows或者煞費苦心去破解Windows咩？早就大量轉用Linux啦。中國用戶雖然電腦唔叻，但係中國用戶經濟學唔差㗎。

我實質從03年開始就瞭解到Linux，跟住大概05年嘅時候就考慮到有朝一日我哋可能冇得再用盜版Windows，所以當時我就打算不如預先涉足Linux，熟悉一下，到時有得多個選擇。

嗰時嘅Linux重未有Ubuntu，我就問學校電腦老師借咗個RedHat，我重記得電腦老師意味深長講咗一句「你無謂喺Linux上嗮時間喇，佢唔係我哋用㗎，就連我都冇咁多精力搞佢啊。」

當時我對電腦一竅不通，最高級嘅技術就係雙擊.exe文件、插入光盤，安裝程序、遊戲，唔識重裝系統（最多就係用廠商提供嘅恢復盤傻瓜式噉恢復系統）、註冊表唔敢掂。放張RedHat光盤入去，麼嘢都按照默認設置嚟操作，最後同我安裝咗個雙系統。入去RedHat，裏面一竅不通，C盤、D盤麼都見唔到（直到宜家先知道原來Linux唔係C盤、D盤嘅分區概念）。整個介面完全唔熟悉，電腦與我之間一下子形成咗一條巨大嘅鴻溝。亂搞咗大概半個鐘，總算搵到個關機按鈕，重啟。撲街！！Windows入唔到，只係入到RedHat（我宜家知道呢個係引導信息損壞嘅情況，但係嗰時我只係識得話係「沒得選系統」）。嚇到我「騰曬雞」。急急忙攞只戴爾恢複盤出嚟，但都係唔得，恢復唔到，始終都係要進入RedHat，入唔到恢複盤嘅介面，就好似我原來喺Windows下積累嘅微薄技巧喺Linux之下完全失效（詳細情形唔記得喇，但如果冇記錯，我宜家判斷應該係MBR出問題嘞，所以引導唔到入恢複盤）。喺被嚇到三魂唔見七魄之下，急急忙攞起電話撥通戴爾客服熱線，戴爾嗰邊見以我當時嘅白癡電腦水平，呢種情況已經冇可能電話協助㗎喇，唯有應承我過幾日上門。喺嗰幾日等待裏面，我唯有進入RedHat玩玩。網上唔到、冇聲音、畫面怪異，應該係未裝驅程，可惜當時我未有驅程概念，更加唔好話裝驅程。（但就算宜家，我發現Ubuntu要裝驅程亦都絕非易事。）摸摸下唯一就識得啟動兩個小遊戲玩玩。總之，我發覺Linux係電腦玩你，多過你玩電腦。之後戴爾就上門幫我重裝XP了，重勸我無需接觸Linux，重話只要你嘅電腦係向戴爾買嘅，就保證有正版Windows用，無需多慮。

五年後，亦即今年。我所掌握嘅電腦技術相比當年進步不少喇。一般電腦維護對我嚟講已經唔算難事，註冊表亦都略懂一二了，亦都掌握咗一啲基本嘅破解系統嘅知識。而且我已經開始玩虛擬機（初衷係為咗攞虛擬機搭建另外一個電腦環境，好等我試驗熟習一下各種電腦知識，例如測試我自己破解嘅XP系統啊等等）。大概兩日前，又chik起條筋用虛擬機裝Ubuntu玩玩，發覺：進入Linux之後，我依然係一隻迷途小羔羊，一片茫然。單單安裝個虛擬機驅程VMTOOLS，一個喺Windows下只需一鍵OK嘅過程，喺Ubuntu下用咗我足足兩小時又多，單單指令集都玩到你傻。我實在無法明白，都有一個安裝包（一個提供畀Windows，一個提供畀Linux），點解Windows只需雙擊即可？而你Ubuntu就又要複製（指令集複製）、又要解壓縮（重要用指令集解壓縮，無法喺GUI下解壓縮），又要指令、又要LS命令，加埋加埋廿步有多！！跟住又發現要用ROOT帳號登陸先可以裝驅程，要啟用ROOT帳號（相當於Windows嘅Administrator）,又要一大堆指令（指令集）！！要輸入指令，你必須對文件路徑熟悉，但係弊在Linux嘅分區概念同Windows嘅唔同，文件路徑就要重新認識，呢方面就令人煩上加煩。

好嘞，「滾搞」咗足足成個下午，總算裝咗個WM TOOLs喇，發覺裏面嘅IBUS輸入法輸入體驗相當差，首先，自定義短語功能，冇。其次，莫講話CJK擴展集嘅漢字，就連GBK集嘅漢字佢都未收全。呢個問題亦都唔大，可以用搜狗或者QQ嘅云輸入法替代。

麻煩在，我去嘅網站，有唔少係粵語網站，而且我日常都經常要輸入粵語用字，而有不少呢啲粵語用字係GBK集以外嘅。我就想搵個支持Linux嘅擴展字符補丁包啦，可惜，搵唔到。好啦，唯有手動安裝啲字體啦，想安裝個微軟雅黑字體，唔識裝，上網一google：救命啊！！！又係要一大堆指令集啊！！！！呢個Ubuntu，僅僅掛住一個GUI，但係好多日常基本操作，都如同DOS時代一樣必須要大量指令集嚟完成，如同WIN 3.X一樣。

無奈啊。五年了，過咗五年，重返Linux，依然嗰句：如果你裝Linux系統，噉將會係電腦玩你，多過你玩電腦。

xiss

居然冇人用WIN 7喔

紫凤凰

當然唔係技術問題，亦都冇話係技術問題。我都話明Linux係嗰啲工作用嘅作業系統，唔係家用。其實而家即使係好多電腦公司，專業人士嘅公司都係用Windows咗。

bruceasu

曾经用过两个星期win7， 视觉效果的确唔错。但兼容性达唔到我嘅需求，又删咗。
目前大部分时间用linux。

对于用户讲咩系统，冇乜意义。使钱买又好，D版又好，用得爽就系喇。
linux 亦非免费系统，linux 系「自由」系统。Free is Freedom, not no charge!
本人使用linux不过系使自己心安，良心唔会受到使用盗版软件的责备。
同时表达希望大粤能够走向Freedom。

linux桌面系统系一个唔赚钱嘅系统，未有公司可以从中获利。无数自由志士利用业余时间，一D一D构建出来嘅。流行出名的linux桌面都是国外人士搞出来的，即使系中文版，亦是做得唔地道。对于普通「中国」用户而言，最适合的版本系由中国人自己维护嘅衍生版，例如：Deepin linux（Ubuntu），Magic linux (Redhat), YLMF OS（知名的winxp盗版组织搞的版本）。这些版本，已经针对国人嘅使用习惯做了调优，安装后，就可以完全满足日常使用，除非有特殊爱好，否则唔需再安装软件，字体，输入法等等。

xiss

總算發現有一位會員跟上潮流用Win 7

紫凤凰

基本上一般推薦係唔好咁快用新系統，因為必定有bug，然後會出service pack。

紫凤凰

基本上一般推薦係唔好咁快用新系統，因為必定有bug，然後會出service pack。

xiss

基本上一般推薦係唔好咁快用新系統，因為必定有bug，然後會出service pack。
紫凤凰 發表於 2010-8-23 11:53

service pack微軟會提供免費下載嘅