"唔zai3"(不愿意)是否写"唔劧"???

Hugo_030

如题,请高人解释,有没有根据?

dada

《四聲篇海》﹕「劧﹐音只﹐功堅也。」冇願意嘅意思。粵語字典一般用「制」。

吴广德

我唔䎺(耳制)! u+43ba

dada

有字典淨話「䎺」係聞﹐有字典話係入意或聞。 http://www.unicode.org/cgi-bin/getunihandata.pl?codepoint=43ba ﹕䎺﹐to learn; to hear; (cant.) to work; to be willing. 《康熙字典》﹕「䎺﹐《集韻》征例切，音制。《玉篇》入意也。《集韻》聞也。或作𦕶。」不過http://140.111.1.40/yitic/frc/frc10780.htm裏面淨見﹕「《玉篇》聞也﹐亦作𦕶」。 另外﹕ 《集韻》、《類篇》、《字彙》﹕聞。 《廣韻》、《四聲篇海》、《重訂直音篇》﹕入意或聞。 《正字通》:「䎺﹐俗字。舊註同𦕶﹐非。」

吴广德

dada在2006-6-20 3:32:03說道：[br]有字典淨話「䎺」係聞﹐有字典話係入意或聞。 http://www.unicode.org/cgi-bin/getunihandata.pl?codepoint=43ba ﹕䎺﹐to learn; to hear; (cant.) to work; to be willing. 《康熙字典》﹕「䎺﹐《集韻》征例切，音制。《玉篇》入意也。《集韻》聞也。或作𦕶。」不過http://140.111.1.40/yitic/frc/frc10780.htm裏面淨見﹕「《玉篇》聞也﹐亦作𦕶」。 另外﹕ 《集韻》、《類篇》、《字彙》﹕聞。 《廣韻》、《四聲篇海》、《重訂直音篇》﹕入意或聞。 《正字通》:「䎺﹐俗字。舊註同𦕶﹐非。」

䎺(耳制): 愿意，肯，合算。见《广州方言词典》第122页。此字有《广韵》同unicode嘅证实，应为正字。

吴广德

dada在2006-6-19 4:21:45說道：[br]粵語字典一般用「制」。

唔知边本字典话用“制”，唔该告之。 事关“制”可以显示而“䎺”就唔得。若考得“制”为正字，倒愿意用佢。

dada

用「制」嘅有﹕ ①《現代標準漢語與粵語對照資料庫》http://hanyu.chi.cuhk.edu.hk/ ②《廣州話方言詞典》 佢哋當然考查過先用﹐不過亦都唔證明一定係正字。 我唔知「䎺[耳制]」係咪正字。有啲字典認為係「入意」﹐但「聞」就冇異議。我覺得﹐願唔願意﹐好似同耳冇乜關係。 無論係咪正字﹐我都覺得﹐太生僻、太難顯示嘅字﹐係正字都冇用。

吴广德

唔该dada得闲查下《广韵》，睇“制”系乜嘢意思。

dada

《廣韻》﹕「禁制﹐又斷也﹐止也﹐勝也。說文作制裁也。從刀從未﹐物有滋味可裁斷也。」 其實「制」都唔係好啱﹐除非同「決斷、裁決」呢個意思拉上關係。 我見過有人話係由「志」變嚟嘅。

吴广德

dada在2006-6-21 15:18:33說道：[br] 我唔知「䎺[耳制]」係咪正字。有啲字典認為係「入意」﹐但「聞」就冇異議。我覺得﹐願唔願意﹐好似同耳冇乜關係。

我谂，䎺与耳有关，有一定嘅道理。 闻就系听，而家讲 “我唔听”相当于古时讲“我唔䎺(我唔闻)”。而“我唔听” 有拒绝嘅意思。讲多咗流传落嚟，”唔䎺”就代表拒绝、唔愿意、唔肯。

dada

你噉解釋﹐就明白得多﹐我而家都支持呢個「䎺[耳制]」字。問題在一般電腦好難顯示。

Hugo_030

唔系难唔难显示嘅问题,而系,究竟呢个字点打?

dada

倉頡碼sjhbn。 我唔用倉頡﹐所以我都唔識打﹐唯有複製備用。

Hugo_030

我觉得呢个字好啱喔,有冇人帮手将佢放去字典度啊?