 訪問駐港京官，港台台長黃華麒（左）親自出馬，送咗本《一起廣播的日子》畀呂新華留念。
香港電台提供圖片 被部份人謔稱為「香港人民電台」嘅香港電台，果然名不虛傳，節目《中國點點點》訪問咗外交部駐香港特派員呂新華，係呂新華首次接受香港電子傳媒訪問，同時仲透露公署暫未有換班嘅安排。 開聲話想做到退休06年上任嘅呂新華話，駐港特派員任期一般都係三至四年，但由於佢今年都未夠 60歲，因此估計任期會較前任特派員長一啲時間，佢話願意喺香港呢個崗位做到退休。既然呂新華開到聲，八方相信國家都會好尊重佢意願。
外交部駐港首任特派員係馬毓真，第二位係吉佩定，第三任係楊文昌，如果呂新華唔調職，就係至今任期最長嘅特派員。呂新華來港前係外交部副部長，做過駐芬蘭全權大使，做外交工作多年，去過 150幾個國家，佢話其實外交官夫人都係外交人員，佢太太張靜婭就經常出席唔同宴會，同其他領事夫人打交道。《中國點點點》訪問呂新華今日下午 3時 45分喺香港電台第一台播出。 
| 
發表於 2010-8-17 05:31:25
