南航空姐識唔識廣東話架？

Vncantonese

就嚟坐南航去廣州，所以想知呢個問題。

台山靚仔

識又點，唔識又點？你想溝人呀？

外外星人

你係華僑，有權要佢哋提供粵語服務！
無論係海關、安檢、機場、飛機內，請合法使用粵語，若果佢哋唔識講粵語，你就要佢哋搵個識粵語嘅人嚟做翻譯，撐粵語，唔係得過講字，要做啲嘢先得嘅。噉做可能會阻你少少時間，故此，你要預鬆少少時間出嚟，同佢哋磨牙。
將你嘅所見所聞，講畀其他華僑知，等大家有樣學樣，用合法使用粵語嘅方式，撐粵語！

Vncantonese

回覆 3# 外外星人

好，就係噉做喇。不過緊急時都係講普通話好啲，萬一佢唔識廣東話就弊。

광동왕국-08

有咩手信帶嚟先？
不過，記住千祈唔好帶啲玫瑰嚟啊！

Vncantonese

回覆 5# 광동왕국-08
點解唔好帶得玫瑰？

광동왕국-08

因為喺越南帶嚟嘅就所以就叫【越南玫瑰】
"越南玫瑰"，聞虎色變！
如果你機會碰到嗰啲打過越戰嘅美軍提下呢個名"VIETNAM ROSE"
包嚇到佢哋敖骨縙然！

광동왕국-08

所謂越南玫瑰並非係一種花草樹本嘅植物，而係一種生物。

佢係由專門研究生化武器嘅蘇俄人，研發出嚟嘅人工病毒(Artificial Virus).      

越戦期間佢哋就將呢啲越南玫瑰，人工植入趆南嘅女人私處，呢啲女人包括Viet Cong嘅女同志又有，

喺酒吧做嘅吧女又有，被逼接受植入嘅村女又有,佢哋呢啲女人專門向啲年青而入世未深嘅美軍色誘                                         

與其上床做其性事，於是就將啲病毒經過性接觸而愛感染，尤其喺啲村河，啲村女半躶喺條河度冲凉，                                    

係人見到都頂唔順啦！況且係血氣方剛嘅美軍，唔中招就假啦！                     

好多士兵一一患上越南玫瑰性病毒，呢種病毒感染喺當時係冇藥醫嘅，死硬！                           

呢一招就係蘇聯佬喺越戦要嚟對付美國佬嘅。

所以，講起【越南玫瑰】一詞，真係聞虎色變，亦成日後佳話。

Vncantonese

我係越南人都係第一次聽到呢個【越南玫瑰】

外外星人

回覆  外外星人

好，就係噉做喇。不過緊急時都係講普通話好啲，萬一佢唔識廣東話就弊。 ...
Vncantonese 發表於 2010-8-16 13:11

    係預咗佢唔識嘅，睇下呢張帖先：http://bbs.cantonese.asia/viewthread.php?tid=26012

광동왕국-08

我係越南人都係第一次聽到呢個【越南玫瑰】
Vncantonese 發表於 2010-8-16 19:01

咁就眞係奇噃？呢句【越南玫瑰】喺香港頗為流行，亦都週時提及呢樣野個嶓！
尚有一首喺香港流行過嘅越南歌唔知你聽過未呢？
就係以以下呢首〝SAIGON〞
請登入以下YOUTUBE條LINK囘一味吓：
http://www.youtube.com/watch?v=LcnaqvZupPw
當時西貢歌舞昇平，繁榮昌旺，亦都係香港人喜歡投資嘅地方，粵劇紅伶新馬仔也曾投資當地酒樓事業，
因當時，北越尚未長駒直進，勢如破竹殺入南越，後來就不堪切想囉，一切都玩完。

Vncantonese

回覆 11# 광동왕국-08

你都識話係喺香港流行，又唔係喺越南流行我就點知啫！
你link畀我嗰首歌，的確係越南歌，不過唱嗰個唔係越南人，好多字都唱唔正。廣東話以前喺西貢（SÀI GÒN）幾普遍吓架，而家冇以前噉輝煌囉。

Vncantonese

回覆 10# 外外星人


都係嗰句，首先要安全同埋搞掂碗飯先。呢係事實，我哋唔鍾意都要接受。係中國重可以話堅持用粵語，係越南點可以呢？入鄉隨俗，唔講越南話就冇工做，即係唔搵到錢會餓死，點仲有氣力堅持用/保護粵語添呢，你話係咪？

外外星人

回覆  外外星人


都係嗰句，首先要安全同埋搞掂碗飯先。呢係事實，我哋唔鍾意都要接受。係中國重可以話堅 ...
Vncantonese 發表於 2010-8-17 00:41

    邊個叫你喺越南「堅持」喎？！ 係講你返大陸嗰陣呀！ 粵僑返嚟唔講粵語唔通重煲冬瓜咩？！

Vncantonese

回覆 14# 外外星人

噉喺越南都好少有機會煲冬瓜，過到中國煲吓都無妨吖吓。我畢竟都嘥咗好多時間學煲冬瓜架，學到掙少少掉埋廣東話添。好彩粵協提醒我。就好似你講嗰個乜野暖水煲田雞噉囉。

外外星人

回覆  外外星人

噉喺越南都好少有機會煲冬瓜，過到中國煲吓都無妨吖吓。我畢竟都嘥咗好多時間學煲冬 ...
Vncantonese 發表於 2010-8-17 00:57

    我哋要盡量對公職人員講粵語，唔煲冬瓜，就算去到北京機場都係噉，迫佢哋請粵語翻譯。

Vncantonese

回覆 16# 外外星人


    話畀你知，我打電話去廣州訂房個陣時，服務員都開聲同我煲冬瓜架，我都幫佢煲番一句，然後我要求佢講廣東話佢先講廣東話。你睇我夠同你合作喇啩。我都發現雖然佢係廣州人不過一開口就煲冬瓜架喇。

外外星人

回覆  外外星人


    話畀你知，我打電話去廣州訂房個陣時，服務員都開聲同我煲冬瓜架，我都幫佢煲番一句 ...
Vncantonese 發表於 2010-8-17 01:16

    乜搞到同我「合作」呀？！ 一開口同佢煲冬瓜係錯嘅， 無論慣唔慣，開口第一句就要講母語！ 講母語，係同你媽媽「合作」，同你嘅祖先「合作」， 唔係同我「合作」！

a229639992

「推普廢粵」之勢強勁，恐怕唔係咁易有粵語服務

台山靚仔

雖然全國都勁力推普，我系浙江寧波、四川南充、湖南衡陽，聽到市面上都系講本地話，可能二線城市影響會小D。