關於廣州音高降調與高平調之疑問

100200

前排喺網上見到一位自稱香港人嘅人士認為,廣州音同香港音之區別在於第一聲的高降調與高平調,認為廣州人普遍用高降(即普語拼音之第四聲),香港人則用高平調(普語第一聲).
    請來自香港嘅朋友解答一下:系咪香港音嘅第一聲全部都系普語第一聲?多謝!
    而于我比較模糊嘅感覺而言,我覺得兩個音雖然差別極為微小,但系喺廣州音之中似乎兩種聲調都有用,而非全部都系普語第四聲,而且呢兩種語調重會喺唔同嘅情況區別使用.
    例如我喺百度貼吧見過嘅一個例子:私人同詩人,雖然呢兩個詞嘅讀法可以話系一模一樣,但通常嚟講,我會將"私人"嘅"私"讀高降調,"詩人"嘅"詩"讀高平調(但兩種讀法似乎又可以對調).同樣"隱私","私隱"都系讀高降,但系當我講"私家偵探"時,"私"字就變咗高平,反而系個"偵"字讀咗高降
    系咪同普語幾個第三聲連住,前面嘅就要改調類似,當幾個粵語第一聲連讀時,前面幾個讀高平調,最後一個就讀高降調?
    例如"婚姻"(婚字高平姻字高降),"姻親"(姻字高平親字高降),"親生"(親字高平生字高降)
    誠然,你可以將以上詞語全部讀高平,但系你至少冇可能前者讀高降後者讀高平
    當有亦有啲唔系噤,例如"中心","新生"等
    重有另一個有趣嘅現象系,當一個詞語用於唔同意思或唔同詞性時,佢都有可能唔同調.
    例如:無論系"生意","風生水起","生活","人生","生仔",只要作動詞,"生"字都系讀高降,而作名詞嘅時候,例如"學生","師生","新生","畢業生","生"字一律讀高平.
    呢種情況系"幫"字都有出現,"幫手","幫忙"等系讀高降,而"商幫","斧頭幫","丐幫"等則傾向於讀高平
    但系"書"字似乎又唔遵守呢個規則,無論系"讀書"抑或"書寫"均讀高降.
    希望有粵語高手入嚟解答我呢個疑惑,多謝!

台山靚仔

樓主可能講緊我，係我早排講既！呢個係我自己自小耳聽觀察所得，並唔係咩學術研究，不過都應該係既。
廣州當然唔係全部第一聲都高降啦，但香港全部第一聲都係平去。
我無任何學術資料去REFER，但我自己既猜測係，可能係「南番順」既語音所影響所至。
我個人就覺得廣州音好聽D，抑揚頓挫D。

100200

回覆 2# 台山靚仔


    哦......原來系噤.
    查實我覺得冇話邊樣好聽啲嘅,有人話廣州話比較抑揚頓挫,有人話香港音比較溫柔,各有各好咯.
    不過我聽農夫唱RAP嘅時候的確系有普語第四聲噶喔,唔知系咪我聽錯?定系佢哋特別啲?

EdwardWong

I guess: 1. 同连续变调有关； 2. 同形态有关。
在高降前读高平，这是连续变调，或曰高平是高降的条件变体。
这以外的可能同形态有关，这似乎又有几种情况：
1. 书面语词倾向高降，口语词倾向高平；
2. 词的末音节倾向高平，其他音节倾向高降；
3. 名词倾向高平，动词倾向高降，虚词倾向高平，形容词未知；
4. 名词作高平，可能是一种小称爱称；动词形容词作高平，可能是一种体标记，或其他标记。
以上都可以和「变上」作比。
以上都是「倾向于」、「可能」而已，而且这些「可能」的规律还互相矛盾，互相交织，结果比较复杂。我没有完全统计过。

以上纯属个人猜测，没有任何论文依据。也曾看过一篇论文认为高平高降并存是高降变高平又未变完的结果。

100200

回覆 4# EdwardWong


    多謝!

Vncantonese

想問呢個問題：
高平=普語嘅第1聲？（100%？）
高降=普語嘅第4聲？（100%？）
請高手嚟解答。
仲有，有邊度有音頻示範分別粵語嘅高平同高降嗎？

台山靚仔

回覆 6# Vncantonese


    其實都系講緊粵語第一聲，只係討論廣州好多第一聲同香港有小小唔同，香港平去，廣州會有下降。