關於粵語中"D"字嘅疑問

highyun

殺人王在2006-9-14 17:13:45說道 可能係因為佢係偏字,就算加咗都無咩人知,亦好少人打得出.況且,"粤字一眼睇晒"都唔係全部正字,粵語有部分字如果要用正字嘅話都好''深筆"

我諗你想講嘅應該係話“唔係本字”，而唔係“唔係正字”。我哋唔推薦用啲而家已經冇人認得到嘅“本字”。

殺人王

啱先喺yahoo知識度睇到有人問:
"為什麼廣東話會加入了英字'd'呢﹖'
(http://hk.knowledge.yahoo.com/question/index?qid=7006051900772)

其中答案如下:
正字應為----尐

近音(did)

這不是廣東話的自創字，漢代許慎編撰的《說文解字》，已有此字。『尐』，注音「子列」切，解作「少」也！

e.g.
高啲(d)，(高些少)

正字應為「尐」

以前記得我睇過一篇關於粵語嘅文章,清楚記得文中所講'd','呢'等音為百越族遺留嘅"南蠻"音.但從以上解說看來,"d"呢個音到底係漢代"南蠻"傳入漢土,定係漢字本來就己經有?

另外,最近我睇韓片,發覺韓語中"這個","那個" 嘅讀音同粵語中"依個","嗰個"非常相似.
攄說韓國人祖先部分來自東夷,而東夷同百越族之間舊底應該關係都好密切,兩者間是否同源?又或者喺大漢嘅統治底下兩之間語言逐漸漢化,而呢個字係漢代留底嘅口語字而非南越的字?

[此帖子已經被余OK於2006-10-14 0:40:47編輯過]

dada

《廣東俗語考‧釋情狀》的確係噉講﹕「尐﹐—讀若顛入聲。少也。『說文』—。子列切。少也。重言之曰——咁多。又爭—多。俾—添。開—。埋—。高—。低—。皆言少也。」 http://www.chinapage.com/language/suyu/gdfy/gdfymain.html

highyun

“尐” 读 dit1，“尐咁多”系正写， 但当我哋讲“呢啲”“嗰啲”嘅时候，“啲”应该读di1，而且意思上唔一定系“少”，可以表示好多嘢，例如： 好多蚁啊，点对付呢啲蚁啊？ 所以“啲”同“尐”应该唔同用法。

吴广德

正字應為----尐 近音(did) 這不是廣東話的自創字，漢代許慎編撰的《說文解字》，已有此字。『尐』，注音「子列」切，解作「少」也！

问题係“尐”并唔发dit音。若按《說文解字》, 读”子列切”。子(zi)取z音，列(lit)取it音，“尐”读音为zit。 再睇 “粤语审音配词字库”，尐同样读zit。

殺人王

尐讀zit唔讀did? em17:

Anl

此尐讀如“節”，唔啱音。《康熙字典》引《說文》、《正字通》皆讀“節”。唔啱did音。

dada

孔仲南應該唔會亂寫﹐不過佢講嘅話有時的確好難明白。例如《廣東俗語考‧釋動物》﹕「卵讀若春。魚子曰卵。卵本上聲。亦有平音。公渾切。音鯤『內則』濡魚卵醬實蓼。讀平聲。粵呼卵作春本此。廣東新語作春。大謬。『字彙補』俗呼烏卵為蛋。鴨蛋洲。江上地名。 」

jumpsey

吴广德在2006-5-31 9:36:11說道：[br] 问题係“尐”并唔发dit音。若按《說文解字》, 读”子列切”。子(zi)取z音，列(lit)取it音，“尐”读音为zit。 再睇 “粤语审音配词字库”，尐同样读zit。

關於「尐」讀"dit"定讀"zit"嘅問題，我有個臆想，就係呢個"dit"音會唔會係上古音嘅遺留呢？ 我最近睇咗一篇介紹泉州閩南話嘅貼，裏面介紹閩南語直接繼承咗上古漢語嘅聲母體系，保留咗上古漢語「古无轻唇音、古无舌上音、古多舌音」嘅特點(原文出處)。事實上，閩南語中的確有唔少我哋一般睇嚟應該係"z,c"聲母嘅字發"d,t"音，例如「朝、長、恥」等，就係發"d/t"聲母。按呢種對應關係，「尐」字嘅"zit"音正好同"dit"音對應。 我喺本論壇睇過嘅一個貼中講，粵語嘅發展始於秦漢，成熟於唐代(原文出處)，跨越上古、中古兩個發展階段，整體音系屬中古音系，但係保留一部分上古音嘅痕跡應該亦屬合理。 當然，呢個只係我嘅猜想而已。

Hugo_030

噉究竟《說文解字》系咪真系话"尐"发"dit1"音啊?有冇人出嚟证实吓? 按道理,"我d嘢"同"多d"里面嘅"d"应该系唔同意思,所以应该系唔同写发先啱.

芬1012

吴广德在2006-5-31 9:36:11說道：[br] 问题係“尐”并唔发dit音。若按《說文解字》, 读”子列切”。子(zi)取z音，列(lit)取it音，“尐”读音为zit。 再睇 “粤语审音配词字库”，尐同样读zit。

既然呢個“尐”字有少嘅意思，又近音，讀成dit又何妨呢？又或者，你有好嘅提議？

west

尐 嘅五筆是乜啊，我揾唔出嚟啊，唔該

小葉子

我也經常睇到這個字。 唔該～！

dada

歡迎小葉子。我覺得奇怪﹐點解經常睇到呢﹖用google查吓﹐原來有百多萬個。可能為時興﹐代替「小」字。

殺人王

dada在2006-7-21 20:52:26說道：[br]歡迎小葉子。我覺得奇怪﹐點解經常睇到呢﹖用google查吓﹐原來有百多萬個。可能為時興﹐代替「小」字。

時下年輕人歡喜用奇怪嘅字代替原字,好多都係錯體字 不過呢個"尐"字確實有"小"嘅意思,但係用嚟代替"小"字好似唔多啱 ps:"尐"字倉頡碼:火人(fo).拼意:jie 或者ji. 五筆唔多知

Hugo_030

噉究竟係咪可以写成"尐咁多"啊? 大家都未有结论又停咗喺度了???

殺人王

hugo_030在2006-9-14 3:45:46說道：[br]噉究竟係咪可以写成"尐咁多"啊? 大家都未有结论又停咗喺度了???

因為有結果所以就停咗.... "廣東俗語考"寫得好明 尐咁多就係呢個"尐"

九时用茶

殺人王在2006-9-14 9:01:56說道：[br][quote]hugo_030在2006-9-14 3:45:46說道：[br]噉究竟係咪可以写成"尐咁多"啊? 大家都未有结论又停咗喺度了???

因為有結果所以就停咗.... "廣東俗語考"寫得好明 尐咁多就係呢個"尐"[/quote] 但係既然已经有咗结论点解重唔将呢个字补充喺"粤字一眼睇晒"嗰度啊?

殺人王

九时用茶在2006-9-14 13:06:37說道：[br][quote]殺人王在2006-9-14 9:01:56說道：[br][quote]hugo_030在2006-9-14 3:45:46說道：[br]噉究竟係咪可以写成"尐咁多"啊? 大家都未有结论又停咗喺度了???

因為有結果所以就停咗.... "廣東俗語考"寫得好明 尐咁多就係呢個"尐"[/quote] 但係既然已经有咗结论点解重唔将呢个字补充喺"粤字一眼睇晒"嗰度啊?[/quote] 可能係因為佢係偏字,就算加咗都無咩人知,亦好少人打得出.況且,"粤字一眼睇晒"都唔係全部正字,粵語有部分字如果要用正字嘅話都好'深筆"

huang

尐五筆係yiu