點解而家麥當勞啲職員一定要講“雞腿”“雞翅”嘅？

芬1012

大家有冇發現唔知幾時開始，麥當勞啲職員只可以講“雞腿”“雞翅”嘞，唔知係唔係上頭規定嘅呢？ “雞腿”“雞翅”真係好老土。 希望大家去麥當勞嘅時候記得大大聲同佢哋講“雞髀”“雞翼”。

highyun

我上次去m记，话要“芝士汉堡”，佢问我系咪要“吉士汉堡”。真系畀佢激死。

kathy

我成日去大陸肯德基都遇到呢個情況．．． 好唔自然～都唔係我哋慣常講法～ 我講雞翼，　啲店員一定要更正我叫雞翅．．． em8:

rugal

原嚟而家变成噉啊。 我好耐冇去呢哋地方囖，对身体冇益。

芬1012

rugal在2006-5-26 18:51:36說道：[br]原嚟而家变成噉啊。 我好耐冇去呢哋地方囖，对身体冇益。

而家唔係講有冇益嘅問題。

ewSnake

冇去過唔講國語嘅m記

芬1012

ewsnake在2006-6-23 17:26:06說道：[br]冇去過唔講國語嘅m記

而家連所有嘅收費站都只可以用滿大人嘅，真係頂佢個肺啊。 不過，飯碗要緊，都明嘅。 嘩，諗落，而家粵語係同好多“飯碗”對抗緊嗰?。嗱，收費站職員嘅飯碗，教職員嘅飯碗，媒體職員嘅飯碗，甚至政法機關嘅飯碗，可能重有麥當奴等服務行業職員嘅飯碗添，唔怪得之粵語死得咁快啦。有邊個、有邊樣嘢真正可以同“飯碗”對抗咖。

芬1012

希望有一日我哋能夠牚握自己嘅“飯碗”，就所有問題都唔係問題嘞，祖先要保佑我哋啊。

lhk

KFC嘅“土豆泥”真係“好豆泥”

卢总

畀着系我，若然佢唔肯纠正为“鸡翼”、“鸡髀”、“芝士汉堡”、“薯茸”……我会要求见佢经理；若果佢个经理同佢一样系噉，噉我会向其总部投诉，要求处理当事人，并向我道歉及对事件作出交代。

睇佢哋重敢唔敢继续“刺”落去！

highyun

以下是引用卢总在2007-6-26 11:41:33的發言：

畀着系我，若然佢唔肯纠正为“鸡翼”、“鸡髀”、“芝士汉堡”、“薯茸”……我会要求见佢经理；若果佢个经理同佢一样系噉，噉我会向其总部投诉，要求处理当事人，并向我道歉及对事件作出交代。

睇佢哋重敢唔敢继续“刺”落去！

下次聚會就去M記，睇你發威。

Wai

以下是引用卢总在2007-6-26 11:41:33的發言：

畀着系我，若然佢唔肯纠正为“鸡翼”、“鸡髀”、“芝士汉堡”、“薯茸”……我会要求见佢经理；若果佢个经理同佢一样系噉，噉我会向其总部投诉，要求处理当事人，并向我道歉及对事件作出交代。

睇佢哋重敢唔敢继续“刺”落去！

呢啲事實要等 卢总  嚟撐喇。

卢总

以下是引用highyun在2007-6-26 18:40:45的發言：

下次聚會就去M記，睇你發威。

你自己去饱佢！我通常都系入去交下水费就算，极少畀钱佢哋赚。

auyeung

死勒，我經常畀錢佢哋賺添。

噉我咪好唔掂檔。。。。。。

弊下，饒命。。。

芬1012

以下是引用卢总在2007-6-27 1:21:51的發言：

你自己去饱佢！我通常都系入去交下水费就算，极少畀钱佢哋赚。

你唔使 caa4 開話題嘞，唔理你食唔食，只要你能夠令到收銀小姐講雞髀、雞翼、薯條……，就我畀錢，如果唔得就你畀錢。

yakab1

啲人都傻曬嘅喇.

羊城惜花人

記得嗰時學生物，講到鳥類，書上都係寫“翼”而非“翅膀”。

所以話粵語啲稱呼相比起普通話，唔單止更古樸，而且更學術性~

羊城惜花人

有次行行吓頸渴，就入路邊間M記買咗杯可樂，跟住行到間便利店，發現相同嘅價錢買到支“大炮”，可見間嘢真係食水太深，自嗰次之後，我發誓唔再畀錢佢賺~

卢总

花仔睇开啲啦，人哋嗰杯嘢里面加咗冰吖嘛——呢样嘢“大炮”里面冇咖！

xzchacha

以下是引用kathy在2006-5-26 11:56:49的發言：
我成日去大陸肯德基都遇到呢個情況．．．
好唔自然～都唔係我哋慣常講法～
我講雞翼，　啲店員一定要更正我叫雞翅．．． em8:

下次做动作咯，唔使讲野了