關於陶傑講粵語正字果集嘅光明頂

Kalee

多謝「神七咁早」提供鏈接。
詳見呢個貼嘅十樓。
http://bbs.cantonese.asia/redirect.php?tid=25204&goto=lastpost&from=fastpost&random=0.5820456751022468#lastpost

入邊講到「泥」同「焫」之類嘅字，原本正確系發「n」音，唔系「l」。
依家系比較山區嘅地方，講廣府話嘅人，仲系發「n」音啊，不過好多後生仔女覺得發音loeng，好多都學廣州發「l」音。

入邊仲講到有D導演比較有心，用正字寫劇本，但系演員唔識讀，又變翻加個口字旁嘅音譯。
例如嘅啊嚟啊之類，其中講到「嚟」嘅正字系「蒞」，但無講到「嘅」嘅正字，請教下各位，有無人知？


蒞呢道唔耐，但好中意呢個討論區，學到好多嘢，糾正咗以前好多誤解，雖然仲系好多字未識，日後希望可以學得好D，唔好因為習慣性用錯字而誤導唔識廣府字嘅人，扼殺咗文化。（當然，我嘅能力無噉大，打個比方啫）

希望廣府話繼續發揚光大！因為你地嘅努力，我對廣府話嘅未來好有信心！加油！

外外星人

陶傑唔係語言學家，「嘅」嘅正字就係嘅。咪畀粵語個名呃咗你，查實，係越→粵噉得嚟嘅。粵語、越語，唔係識漢語就解釋得到嘅。

Kalee

多謝外外星人~
聽果個節目，出現到個「焫」字，覺得好得意，因為細細個一直講呢個詞，無諗過真系可以寫到。細個陣時老人家提醒細路哥注意熱能過高嘅嘢，就系講「無焫到哦。」（發n音），感覺個字好親切。

外外星人

照噉睇，神七唔係你同學，福街點做得你同學呢？既然你咁鍾意學嘢，噉就畀心機留喺度學多啲嘢啦！睇睇《粵語唔小》、《唔係越語》先：
http://bbs.cantonese.asia/viewthread.php?tid=11384
http://bbs.cantonese.asia/viewthread.php?tid=11216

Kalee

唔該外外星人·~~