pun2 死

highyun

日本人有句话叫“pun2死食河豚”，即系话冒住中毒嘅生命危险都要食味道鲜美嘅河豚。 呢个pun2，正字究竟系乜呢？ 系咪“本”嘅变音？

余OK

但粵語都有「pun2死無大礙」嘅講法噃。。。

夢星羽

不是“拚死食河豚”嗎？ 這應該是我們廣東人說的， 怎麼會是日本人說的呢？ “河豚”的日語叫“ふぐ”，與“福”（ふく）的讀音相近， 所以日本人認為食“河豚”就是有“福”， 這就跟廣東人認為食“髮菜”可以“發財”一樣。

highyun

系我讲得唔准确，应该讲“广东人话日本人‘pun2’死食河豚” 水浒入面有个梁山好汉叫“拼命三郎”石秀，楷叔讲古都系讲“pun2命三郎”。究竟系“本”定系“拼”啱啲呢？

jumpsey

其實夢兄已經講咗，pun2嘅正字就係「拚」。 拚，普通話讀pan4，對應粵語音係pun3，但係實際上讀pun2音更普遍。 「拚」字喺普通話中嘅pan4音依家已經基本唔用，往往係同「拼」字溝埋讀ping1。 學校嘅語文教學慌死我哋識得多噉，成日回避一啲方言或者傳統嘅語文知識。就好似「平上去入」四聲噉吖，都係慌死啲人識得多咗噉收埋一二角。依家一般人有幾多個係知道入聲係乜嘢回事嘅？就算係南方講有入聲嘅方言嘅人，知道入聲嘅人都係寥寥無幾咖咋。

superjill

拚死的确读pun2死 唔知系刘天赐、定系王亭之、定系何文汇喺啲网上资料度讲过

highyun

真系收获甚大，我一直以为“拚”系“拼”嘅繁体字或者异体字，原来两个字系唔同嘅。 而家嘅国语大晒嘅简体字教育制度，真系搞到好多有意义嘅嘢丢失咗。

禾苗小昭

highyun在2006-5-21 1:06:57說道：[br]真系收获甚大，我一直以为“拚”系“拼”嘅繁体字或者异体字，原来两个字系唔同嘅。 而家嘅国语大晒嘅简体字教育制度，真系搞到好多有意义嘅嘢丢失咗。

同感！ 难怪我有时听粤剧时听到人哋系唱“拚pun2命”，我当时仲以为佢读错，原来系我自己孤陋寡闻。 多谢各位！

羊城惜花人

真係學到嘢咖~~~~~~