我想问下大家

问题少妇

1。话某人同某人"前世捞乱骨头"，系咪话佢呢两个人唔夹，”不对盘”? 重有冇第样意思啊 2。点解有话讲”呢个人好老实，担屎都偷唔食"??我谂极都唔明，话有人唔老实到担屎都偷食就话好理解啫 唔通呢句系反讽，话人老实，其实想话佢唔老实? thank you!

Cactus

撈亂骨頭----粵語片經常有呢句，好似係合葬之後，時間耐咗，分唔開。 應該係形容兩個人天生就係冤家。 屎又邊會有人食先得架，形容嗰個人除咗擔屎唔偷食之外，經常偷食。

Anl

前世撈亂骨頭：兩個人天生就係冤家。 擔屎唔偸食：舊時農民係擔屎去淋花種菜，自己唔想去嘅話，請人去擔屎，嗰個人實唔會偸食。呢句話用嚟形容啲人好似擔屎唔偸食咁老實。並非其它就偸食。

夢星羽

廣東話裡頭有唔少話語係用尐本來就理所當然嘅嘢去證明其說話嘅真確性， “屎”本來就唔好食，老唔老實都唔慌佢會偷食啦！ 類似嘅重有“嚇到鼻哥竉冇肉”，鼻哥竉本來就冇肉嘅，嚇唔嚇都係冇肉。 所以咸不闌都係廢話，正一係“鬼唔知你阿媽係女人”咩！

问题少妇

多谢解答。再问问，唔使"恨"，"恨"嫁个"恨"字点写啊

highyun

就系呢个“恨”。