難題:句子'容乜易..",邊D系 主謂賓狀 語

TsuNT(♂)

有個好難嘅問題
-------
[例](對下級官員) 行行下路,無端白事有個 氹(teng,陷坑) 都有嘅?
      容乜易D人失驚無神 一個唔覺意 鍾咗落去 點算 你話喇.
----
最後一句,可以連讀(不斷氣), 想問下,句子分析,有無話邊個系 主\謂\賓\狀 語?

UngooChan

「啲人」係主語
「失驚無神 一個唔覺意 鍾咗落去」係謂語
「容乜易」係狀語

TsuNT(♂)

系咪咁樣?

xiemo

好簡單嗟，你唔明白只不過你被自己搞亂咗。原句順序應該係：
你話喇D人容乜易失驚無神一個唔覺意鐘咗落去。咁樣睇尼個句子係米好清晰呢！因為原句系將狀語前置而凸顯好容易鐘落去噶意思。所以漢語噶結構好容易，比英語容易瞭解得多，只要你整理好順序就得

TsuNT(♂)

好簡單嗟，你唔明白只不過你被自己搞亂咗。原句順序應該係：
你話喇D人容乜易失驚無神一個唔覺意鐘咗落去。 ...
xiemo 發表於 2010-6-28 18:32

  -------
現實嘅講嘢,經常會系咁樣:
   說話者,本來係想講
        "  容乜易D人失驚無神 一個唔覺意 鍾咗落去 啊"
     講到句尾時,臨時加多幾個字,於是就變成
        "  容乜易D人失驚無神 一個唔覺意 鍾咗落去 點算 你話喇.

木羽雨

我宜家先知，原来，粤语系咁多学问嘅~~~
失敬失敬~~
我为自己系广东人而骄傲~~~~~~~

knicks

捨驕傲，取自豪

李四

有個好難嘅問題
-------
[例](對下級官員) 行行下路,無端白事有個 氹(teng,陷坑) 都有嘅?
      容乜易D人 ...
TsuNT(♂) 發表於 2010-6-27 12:20

呢位老友同好多人一樣中哂毒，以為學語文之前一定要學文法。連上面問題都問得出，顯然你唔係學者；除非你係學者要做研究，唔係就唔使理乜鬼文法。語言學習係模仿為主，通街點講你就學點講，老師點講你就點講。我成日同啲話要學文法嘅人講，兒時父母教你講說話，會唔會教你乜係名詞，乜係動詞，乜詞要跟乜詞後，乜詞要在乜詞前？如果真係有父母噉教細路，包十八歲都未識講說話。
唔好話中文啦，就算學英文都唔使學文法。我碰過一個英國人，佢話好多時香港朋友向佢請教英文文法，佢話咪傻啦，佢都唔知英文要乜文法。佢英國出世英國大，由幼稚園到大學都係喺英國讀，學校從未教過文法。呢位英國仁兄佢自學中文、廣東話，由始自終未學過文法。佢日日攞本字典睇香港中文報紙，唔明就問朋友；香港朋友點講說話，佢就跟住講。佢嚟香港十年，就識睇中文報紙，識講廣東話，重要標準過好多外省新移民。唔望樣，淨聽佢用廣東話講說話，真係唔知係鬼佬（特別係講廣東粗口時）。人地鬼佬學中文都唔使學文法，中國人學中文反而要學？

P.S. 呢位英國仁兄十分熱愛香港，已經非常香港化，甚至學埋港燦一樣返內地娶內地女子做老婆。

TsuNT(♂)

回覆 8# 李四
-------
本人所舉例子(主貼) 可能仲未夠典型, 仲未夠 複雜, 到時睇下邊位仁兄補充一個更為複雜嘅例子, 越串越好

/////////////////// 另 ///////////////////

以下,非完全對應8樓, 反正諗到乜嘢就講乜嘢, 好可能會離題,  (查實, 我周不時都離題嘅,有怪莫怪)
   對於離題果D, 可予忽略

/////////////////// 另 ///////////////////

我都認為 文法 對於 現實 用處 無咁大,
    以前細個讀書,亦都5注重語文, 偏科嚴重,  高考陣時, 語文科先得 404分(單科綜合分), 遠遠低於 當時"數理化 "科
      依家睇嚟, 當初(不自覺咁樣) 唔注重語文及文法, 係 啱 嘅,  起碼少咗好多 束縛思維 嘅嘢 , 覺得個腦 "遠遠 未實"

基本嘅文法 又係要嘅,
    不過文法書(及其他領域書籍) 經常跟唔上 實際應用 ,  

       某D實際應用例子, 對方好可能好容易 即時領會你講乜嘢意思,  
               但係 如果真係 按照標準句式嚟 講嘢, 又真係好痛苦,    一係,在"標準文法"睇嚟,非常亂, 一係 不得不將一個 "現實成句", 斷分\拆分 成好多個短句, 會導致思維受阻,

    如果"現實成句"交流冇問題, 而在"文法書"上認為係 "亂\不符標準" 嘅, --> 睇怕只能講明 "文法書"OutDate,其標準係錯嘅,或者 待增項\待完善,

    或者講, 果D乜嘢(已有)書籍\(已有)理論, 好多都係 某一時期嘅總結, 再確定一個"系統理論",
          而對於 以後時期(新鮮事物) 佢就無辦法,   
             "將來"改變咗之後, OutDate嘅"理論"又要改寫, 再確定一個 "新嘅 系統理論"...

      正如, 用"歷史"去推測 "將來",(包括"經濟理論領域"), 經常會錯,有時仲錯得好離譜, (雖然 "歷史" 對"將來"係一個重要嘅參考因素,不過只限於"參考")

/////////////////// 另 ///////////////////

你所舉嘅某人例子, 可能可以歸納於 "行萬里路緊要D 定係 破萬卷書緊要D" 呢個問題

   對於呢樣嘢, 我嘅睇法係: "行萬里路" 與 "破萬卷書" 都係 "條條道路通羅馬" 嘅其中兩條路,
     冇話邊個5啱邊個5著, 睇下邊條路 適於 邊種人,   
   睇怕都係"因材施教"好D, 某D人如果 "行萬里路" 容易D\實際D\成本低D\成效高D\性價比高D\更易到達設定目標, 不妨選"行萬里路"呢條路,無需勉強自己一定要跟隨別人行第D路, (反之亦然)

/////////////////// 另 ///////////////////

我嘅睇法係咁樣:   (注:此處指嘅"書籍",包括"紙質書\電子書\文章\..")

1) 文法果D, 屬於"理論"之一,       而理論果D, 抽象嘢, 可以越鑽越深, 可以完全憑空想象更加深嘅嘢, 亦都可以脫離實際越嚟越遠, ("憑空"=脫離現實物質,不過仲係有其他抽象理論作為支撐基礎)
    畀方講: 某D化學元素\合成物質 , (地球上)自然界無可能存在, 果D科學家就係都要 生安白造 出一D出嚟, 唔知係咪想做UFO之類(講笑嘅)
    畀方講: 數學, 現實社會大多數人只需識得 加減乘除, 經濟等理論 最多只係需要'高數'之類, 果D "(褒義)天才\(貶義)癲佬\癡孖根\走火入魔" 就係都要 搞D乜嘢 "神經系統\遺傳系統\AI\無序系統\" 之類嘅數學理論, (人類進化嘅 技術基礎之基礎)

優點1) 文法書(及其他領域書籍)(及其他領域理論) 係 "某一時期嘅 前人" 總結嘅經驗,
     如果得閑,睇下亦無妨, 可以踩住前人膊頭上,

缺點1) 因為係"某一時期嘅 前人", 故不一定適合 "後人\將來", (因為前人好可能考慮唔到'後人新問題\新證據",從而導致'不完全結論")
     (以數千年歷史嚟睇, 前人嘅理論 經常會誤導後人,  但係 短暫時期嚟講, 仲係有 指導 價值)
     過多咁樣 睇\相信 "前人" , 會導致自己局限於"前人 框架", 限制自己 思維\諗嘢

    (畀方講, 本人認為"達爾文(完全)演化論"係錯嘅, 應該代替以 "前段造物主(設定初始值), 後段演化" , 但係 "演化論"在本時代仲係有 指導價值,  如果過於相信"演化論",會導致 某D群體 走火入魔 (畀方講, 某D社會形態 係建立喺'無神論'基礎之上, 而有D 部落等 群體,係建立喺 根本不存在嘅 信仰 之上) )

缺點1) 文法書(及其他領域書籍)(及其他領域理論) 係 "某一時期嘅 某一前人 嘅某一觀點"
     與此同時,仲有其他前人 嘅其他觀點, 由於人腦限制及現實限制, 其視野經常會局限於某一觀點,忽視其他前人, 從而導致其人"局限",

1) 文法書(及其他領域書籍)(及其他領域理論), 睇怕多數適用於 "(褒義)中意 刨根問底\鑽研\追求完美\食腦" \ "(貶義)中意 死牛一邊頸\食飽得滯\脫離現實" 嘅人,
     而對於一般人,唔係必需嘅, 冇咗都得,

李四

文法查實就係某種語文嘅習慣表達方法，先有語文後有文法。乜叫習慣表達方法，即係個個都係噉寫噉講，所以學習語文絕對係靠模仿。況且中文表達方法非常有彈性，攞住本文法書匿埋屋企閉門造車，死硬！香港英語教學晨早已經唔掂，近呢二三十年中文教學又走上文法呢條歪路，搞到依家香港後生仔英文已經唔得，連中文都唔掂。所謂熟讀唐詩三百首，不會吟詩也會偷。大家讀多啲名家文章，聽多啲，睇多啲，包有進步。如果只以文法書做基準，好多文學大師文章都會唔合格。