與女有關的語言文字[轉帖]

kathy

與女有關的語言文字 在造字、解釋字詞意義時，往往出現男尊女卑、侮辱或貶低婦女的內容。如單從「女」字的甲骨文字形來看，它是女子屈身下跪的形象： 另從《說文解字》中，亦可見侮辱和貶低婦女的字或賦義，如嬾（即「懶」）、媮（即「偷」）、婬（即「淫」）、姦、奸、佞、婪、嫉、妒等，這些字皆從「女」旁，反映出至漢朝時，均認為惡德都屬於女性。再如奴、妖、妓、婊子等下賤身份、厭懼角色亦由女性承擔。 另外，語言文字如委、孌、婉等，是讚美及倡導女子的順從隨和。姣、好、姝、嫵、媚、媛等，則對期望與欣賞女子美色。直接反映性別關係的如御、幸、寵/事、奉、承（表示權力等級關係），婊子/內人（表示婦女職場身份的等級），賣淫/嫖妓（性交易中的性別關係），表達出宮廷、家庭內外的男尊女卑思想。不少貶低女性的成語及諺語亦流傳至今，如「女子無才便是德」、「紅顏禍水」等。 古人在使用這些語言文字時，往往表達出婦女是卑微的、負面的、不被重視的意思。在潛移默化的作用下，婦女因而會自我克制，安守本份，甘於處於卑微位置，不會僭越，從而達到鉗制婦女之目的。當然，亦有文字記下上古女性的輝煌事跡，如炎黃舜禹等姓氏﹕姬、姜、姚、姒、為皆從「女」旁，可見女系傳承確實存在。 http://www.chiculture.net/1002/html/c22/1002c22.html# 推薦呢個網~http://www.chiculture.net

Anl

我反而覺得女字邊嘅姓氏，係源出於母系氏族嘅社會：姬、姜、姚、嫪 中國嘅人類社會係從母系氏族發展到父系氏族 包括姓氏個“姓”，亦从女部，證明姓氏起源係與女姓有關。以至姓係跟母親姓嘅。

kathy

anl~你講嘅同篇文章講嘅好一致，根本無衝突喎～ 文中嘅最後一句： 當然，亦有文字記下上古女性的輝煌事跡，如炎黃舜禹等姓氏﹕姬、姜、姚、姒、為皆從「女」旁，可見女系傳承確實存在。 em6: em6: em6: em6:

dada

在造字、解釋字詞意義時，往往出現男尊女卑、侮辱或貶低婦女的內容。

完全同意。 不過﹐講到甲骨文「女」字﹐唔知會唔會有另一個解釋。女人應該自古做家務事（譬如煮飯）﹐古時又冇檯冇凳﹐唯有跪喺度。所以或者可以解釋為﹐跪喺度做緊嘢嘅人。 食飯都要跪喺度。「即」嘅甲骨文係﹐字形係跪喺一種飯器面前﹐即係食緊飯。

dada

講咗「即」﹐順便講埋「既」。 面對飯器係食緊飯﹐引申為「即」。擰轉面就表示食完唔再食﹐引申為「既」。

ikit

咁“嬲”應該解釋為：兩男爭一女，就會嬲？

dada

《說文》冇「嬲」字﹐段玉裁話因為佢係「嬈」嘅俗字。 「嬲」通常解釋為擾亂、糾纏、戲弄。 《二十年目睹之怪現狀‧第二十六回》：「我也聽見繼之、述農都說你，喜歡嬲人家說新聞故事。」呢個用法有啲似「佢嘍我去睇電影」（《廣州話方言詞典》）。 另一個意思（玄應）係﹕「嬈亦惱也」。不過呢個「惱」唔一定係「氣惱」。《國語辭典》﹕「嬲惱﹐擾亂。隋書‧卷三十五‧經籍志四：『釋迦之苦行也，是諸邪道，並來嬲惱，以亂其心，而不能得。』」 不過﹐就算「嬲」本義係擾亂﹐兩男爭一女，畀人擾亂當然嬲啦﹗ em2: