想问吓仓颉输入法难唔难学噶？

yeungs

打仓颉的朋友，想问吓你哋学仓颉难唔难噶？我过多一个月就放暑假，有三个月时间，我打算用嚟段时间嚟学繁体字和仓颉，因为总觉得打广东字用繁体比较好，而且好多广东字繁体字先至有嘅，其实我好耐之前就有打算学繁体字嘅想法，繁体字先至系真正的汉字，共产党将佢哋简化到韵味全失，简直系中国文化的一个损失，受香港亲戚影响，觉得用仓颉输入法打繁体字比较好啲，所以在呢度问吓你哋。 仲有想问下会长可唔可制造出一个有声版本的粤语拼音，等我哋学粤语拼音时都易啲。

highyun

首先答你仓颉嘅问题，我都学紧仓颉，如果要学识打绝大部分汉字（唔讲速度），一个星期就够用。 但如果要练到好熟，就需要你平时成日用。我自己嘅最大问题就系平时打字好赶时间，要求好快，所以嗰阵就唔用到仓颉。以致而家嘅进度都重系好慢。如果你可以坚持到喺任何需要打字嘅场合都用仓颉，一个月就肯定可以好纯属。 至于你讲嘅有声版本嘅粤语拼音，系好提议，不过有啲粤语嘅声母或者韵母好难单独发音，只能通过整个汉字发音嚟辨别声母韵母。所以其实你可以通过查汉字嘅读音嚟学到相应嘅声母、韵母发音。

kathy

highyun在2006-5-1 10:19:05說道：[br]如果你可以坚持到喺任何需要打字嘅场合都用仓颉，一个月就肯定可以好纯属。

highyun,你呢次都唔係用倉頡輸入法喎~~ em3:

佛山霍先生

10几年前喺港资企就职嘅时候学过仓颉输入法，而家都忘记得差唔多，记忆所及同五笔输入法有啲类似，难易程度亦系相当，如果每日练习2个钟，一个礼拜左右应该可以粗通。

yeungs

我使用的是xp视窗系统自带的仓颉输入法,系属于第三代,听讲已经出咗第五代，不知道哪个版本好呢？会长你是用哪个版本的？本来我都想用第五代的，不知点解我安装了从仓颉之友马来西亚下载的仓颉输入法香港版，有些字打出嚟是一个“口”，所以我放弃了，我的电脑有问题吗？我已经安装了香港字，但系上面有啲字仍然显示唔到，例如b字栏的第六个字显示为空白，g字栏第二个，k字栏第九个，z字栏第六个都系咁，我真系唔知点样解决，我的电脑水平真系好低，所以请多多指教。 关于下载香港字，我发觉里面个网站关于粵語字增補字符集有很多个下载选择，而且解释得非常之唔清楚，搞到电脑水平低嘅人如我头都大晒，到现在我都不知道我下载的版本啱唔啱，协会何不考虑下将啲文件复制到协会服务器中，再专门制造一个下载网页，解释清楚。

highyun

我用嘅系第五代“仓颉世纪”，包含最多汉字，可以打简体繁体。 关于下载增补字库，我都唔系专家，anl同desmond会熟啲，我部电脑只系装咗康华字库。我哋嘅新网页界面将会提供下载，请密切留意啦。

傻大木

其实大家可以用自然码，开gbk和切形，输入繁体字，不错的。

samwingkit

yeungs在2006-5-1 4:31:43說道：[br]打仓颉的朋友，想问吓你哋学仓颉难唔难噶？我过多一个月就放暑假，有三个月时间，我打算用嚟段时间嚟学繁体字和仓颉，因为总觉得打广东字用繁体比较好，而且好多广东字繁体字先至有嘅，其实我好耐之前就有打算学繁体字嘅想法，繁体字先至系真正的汉字，共产党将佢哋简化到韵味全失，简直系中国文化的一个损失，受香港亲戚影响，觉得用仓颉输入法打繁体字比较好啲，所以在呢度问吓你哋。 仲有想问下会长可唔可制造出一个有声版本的粤语拼音，等我哋学粤语拼音时都易啲。

我用緊倉頡，110字/min。如果為打廣東字學倉頡，就建議用粵拼或部首等的輸入法。畢竟學傳統倉頡要有恆心，非朝夕之舉。

ewSnake

要一個星期咁耐？我學五筆一個中午兩個小時就搞掂喇，輕鬆粵語輸入法十分鐘

殺人王

我冇耐前開始用倉頡,目的係想瞭解多d繁體字嘅構成.覺得好好用,由其熟練之後! 不過可惜第五代倉頡冇好似五筆咁有詞組輸入,如果唔係會重好!!! 非常期待下一個倉頡有詞組輸入!!! 另外:第三代倉頡同第五代嘅編好似有d唔同

rugal

走下題，輕鬆粵語輸入法真係唔錯咖。絕對適合講粵語嘅人士。

desmond

補上一個詳盡嘅倉頡教學網站。

http://input.foruto.com/ocj/