[討論]推

dada

推 (ung2/ngung2)﹐《廣州話方言詞典》用「㧬」（u+39ec）。不過呢個字係擁、抱持﹐完全冇推嘅意思。 《現代標準漢語與粵語對照資料庫》用﹕ ①擁﹐但係讀ung2 ②𡃵[口擁]﹐讀ngung2 http://www.unicode.org/cgi-bin/getunihandata.pl?codepoint=210f5﹐我覺得太複雜。 「拱」字又有冇意義呢﹖ 《國語辭典》有下便三個解釋﹕ ①雙手相合，臂的前部上舉，以示恭敬。說文解字：「拱，斂手也。論語‧微子：「植其杖而芸，子路拱而立。」 ④向上或向外頂掀。如：「新長出的芽兒把土拱起來了。」唐‧杜甫‧北征詩：「鴟鳥鳴黃桑，野鼠拱亂穴。」 ⑤強迫推舉。如：「他被大家拱出來當代表。」 「他被大家拱出來當代表」﹐粵語版本就係：「佢畀大家ung2/ngung2出喇當代表」。 「拱」字讀gung2﹐但「㧬」都係讀gung1 gung2 ngung2。 另外﹐「共」嘅甲骨文係﹐通常嘅解釋係﹐兩個人揸住同一件嘢（有時喺兩手中間﹐有時喺兩手上便）﹐所以有共同嘅意思。「拱」字解釋為「向上或向外頂掀」﹐係兩隻手ung2緊一樣嘢。 個人意見﹐歡迎討論。

Anl

dada

我有睇過《廣東俗語考‧釋動作（上）》﹕「㧬﹐音甕上聲。以手推門曰㧬。如亂推亂㧬。又㧬跌㧬倒之類。『說文』㧬﹐擁也。」 ttp://www.chinapage.com/language/suyu/gdfy/gdfymain.html ①「拱」﹐音gung﹐有「推」嘅意思 ②「㧬」﹐音gung﹐意思係「擁抱」 我覺得①比②較可信。彭志銘都唔係盡信「㧬」。 「我一直強調﹐六十年代前的『舊廣東話』﹐只要說得出的﹐都是有字的﹗」繼續努力﹗