呢齣戲好有法國味，一個簡單嘅古仔，畀法國人寫得鬼咁神奇、離奇，又有少少romantique，而家咪興講草根階層嘅，Micmacs à tire-larigot之咪係囉！無挐挐整件縮骨鯽出嚟，法國人嘅想像力，唔到你唔服。成齣戲，睇唔出有幾多皮費，唔似得荷里活嗰啲大製作咁嘥錢、咁誇張，有咁好嘅橋段、咁好演技嘅演員，值得你畀啲時間去睇下。 想睇猛男、靚女嘅，呢齣戲搵唔到，之但係佢哋嘅演技搭夠，故此，硬係覺得法國係好戲之人嘅福地，邊個想喺演藝呢範發展嘅，去法國有得斟，話唔埋，有成名成器嗰日，有機會去康城捧返隻盃返嚟，到時，唔好唔記得多謝我呀！多就唔使，請我去康城行返轉，順便幫你手扚埋隻盃返嚟噉話啫！
發表於 2010-6-2 02:33:05
發表於 2010-8-24 20:37:48
大陸譯嗰啲，得mandarin咋！