[讨论]子午拳的利与弊

High_Hand

头先瞓瞓下觉，特然想起依個论题，怕听日瞓醒唔记得，连夜攞上嚟先瞓得著；好开心“耕手挡边腿”嘅可行性嘅贴得到噤多高手回应，通常有比较嘅论题会比较多人讨论，无比较反应就无噤热烈，不过我都想试一试响无比较嘅情况下邀请各位大虾讨论一下詠春拳嘅基本-----子午拳!~ em6:

High_Hand

头坑自己坐，讲下自己嘅意见先，先讲利： 子午拳紧守人体中线出拳，收拳不过肩；如果配合速度同频律，变成车轮拳、三星连环捶（又叫连环子午捶等等，都指子午拳差唔多嘅用法）就可以响人体身前一个窄少嘅空间内形成一個密集嘅攻击区，就抢中控中而言，相比之下未见过有另外嘅拳术比詠春子午拳更有效和快捷； 讲完利到讲弊： 虽然子午拳可以形成一個密集嘅防线，但喺就本人练习嘅感觉，一次快速嘅车轮拳进攻响三下以后威力就会锐减，就如练拳时连继做一百下左右，做做下就好似做体操噤，唔可以每一拳都保持原有嘅威力，所以我觉得面对壮硕嘅高手时正面连继使用车轮拳并唔喺一个好嘅方法。 個人总结：快同密集喺距嘅优点；威力难以持续喺子午拳嘅缺点。 em6:我相信自己嘅观点有不尽不对嘅地方，欢迎各位大虾们指证同补充em6:

High_Hand

另：据我所知，詠春子午拳同蔡李佛插拳响出拳方面有好多相似嘅地方，比如都讲够对拉力，亦都有人会将子午拳用插拳去形容，各位蔡李佛高手睇完后有乜感想请不吝赐教!~ em6:

鬼王泼扇

车轮拳虽然话力量唔可以连贯，但係拳语：出手三道劲，回手三道钩。车轮拳每逢碰到对方手样，一勾、一拉、一压、一切…都可以控制对方手桥，造成空间给自身攻击，係一个唔错既拳法

artpm

想请教一下：乜野系车轮拳？系唔系“连环日字捶”？

High_Hand

e......应该都喺同一样嘢挂，总之有好多嗰名啦，叫冲锋捶我都听过啦！！~ em6:

黑色恶猫

点讲呢，蔡李佛的揷捶系放长击远，无论进退步个捶都系指住对方个面门，比如讲阴阳揷捶连用，一但进攻起来就只有打倒对方才能罢手，不论对方如何档，如何格，如何退，拳到马到，连打带撞。你打你的，我打我的。总之拳就系对准对方的头部同胸口，左手招架推压，右手连环揷打。　另一种用法系对方先占先机，退守待攻的时候，一边退马一边揷，封住上路，不让对方连环进步攻击。所以有时会在退步时都会打倒对方。

highyun

我都觉得对于一般人（高手例外），车轮拳嘅威力唔够大。就好似三级跳噉，平均每跳肯定比普通跳远短好多。所以有时单拳可以一嘢就打死人，但车轮拳未必打得死人。但系对于封杀人哋嘅进攻，车轮拳的确比单拳强好多。

High_Hand

黑色恶猫在2004-10-12 19:04:17说道：[br]点讲呢，蔡李佛的揷捶系放长击远，无论进退步个捶都系指住对方个面门，比如讲阴阳揷捶连用，一但进攻起来就只有打倒对方才能罢手，不论对方如何档，如何格，如何退，拳到马到，连打带撞。你打你的，我打我的。总之拳就系对准对方的头部同胸口，左手招架推压，右手连环揷打。　另一种用法系对方先占先机，退守待攻的时候，一边退马一边揷，封住上路，不让对方连环进步攻击。所以有时会在退步时都会打倒对方。

猫兄，我未学过蔡李佛，不过听你噤样描述，詠春拳入面都有类似嘅一只手打直拳另一只手横拨拉挡下按，两只手做唔同嘅嘢，但喺就随时要以灵活哋转变，依一类招式响詠春拳冯式木人桩入面有好多，詠春拳有好多招式由子午直拳配合其他招数组合而成，所以可以归纳为子午拳嘅讨论内；至于你话放长击远，我唔喺好明即喺点，但子午拳就讲究速度快，短距离发劲，依点我按字面分析可能同你讲嘅放长击远有好大差别！~ em6:

黑色恶猫

一句话　，拳雄力猛。

High_Hand

噤咩喺放长击远呢？~ em6:

铁丐

点解无其他詠春嘅人讨论依个问题嘅？~ em6:

黑色恶猫

我做比你睇，你睇下就知乜叫放长击远，不过我五识点讲 em3:

High_Hand

晕，你想揾我做拳耙？~ em6:

鬼王泼扇

我谂日字连环拳唔够插捶威力打，但喺插捶唔够子日子拳快同密

黑色恶猫

呢d野边话得埋架，边样快系睇个人的操作者，拳五重，密又有乜用，茅起身双手护住个头任你打，你未吹胀左。 em2:

黑色恶猫

你个名呢招我就成日用啦，一下就应棍。

High_Hand

鬼王泼扇点用架？~ em6:

鬼王泼扇

鬼王泼扇在2004-10-10 16:13:39说道：[br]车轮拳虽然话力量唔可以连贯，但係拳语：出手三道劲，回手三道钩。车轮拳每逢碰到对方手样，一勾、一拉、一压、一切…都可以控制对方手桥，造成空间给自身攻击，係一个唔错既拳法

猫兄，黎又唔喺噤讲嘅，子午拳黎作用唔係要一下打低对方，正如我前面所讲，当用子午拳攻击碰到人手桥既时候，一勾、一拉、一压、一切对方手桥都可以造成攻击既空间，一个人受到攻击之后总会有短暂既痴呆，都会造成被攻击既机会，依個就係詠春同其他功夫上一个好大既分别，谂下创拳果个係女人，再大力都有限，而且詠春专门训练打击人脆弱阴湿既部位，唔需要好大力

黑色恶猫

甘你试过被人用马步逼住的情况下出拳吗，试下，几有趣的。 em2: